Po onome kako nas se straši nebi se baš reklo da stožer tako misli,ali reka mi je jedan ko smo to mi da razmišljamo o poteziman stožera,šta nan se reče tako moramo činiti i kuco,jerbo oni su stručnjaci,ne mi. Znamo kako je bilo sa početkom korona virusa kad do svojega likara nije moga ni oni „zdravi“, triba si se najpri javiti telefonon da ti dođe otvorit vrata od anbulante…

Jema več desetak daan da je asvalat na početku ulice Kroz blata u donjemu dilu do Kaštelanske ceste u dužini više od desetak metri raspilan,a o tomen se u selo nikoliko puti do sad raspravljalo i došlo do saznanji kako je posli obavljeni radov ovi doli dijal proširen za da bi se mogle mimoič dvi aute i bilo je ono,aj baš super da su se toga sitili,jerbo je bilo gadno…

Ajme kad nije gorilo,a sad ajme kad gori. Ča je bilo sa svitliman na staremu kanpanelu i kad su prosvitlila,o tomen nečemo,to znamo,ali neznamo zašto ta svitla sada goridu i onda kad triba i onda kad ne tribadu gorit.Biče koko misli da triba nadoknadit ono vrime kad nisu gorila,pa sad goridu i po danu?O čemu se radi,a o tomen kako kako se svitla na kanpanelu ne palidu pomoču fotočelije,kad se…

A jema ji od Raca,priko Banane,Mula,pa sve do Sokolane i svaki dan ji je sve više. A govori se da su lignje poludile,pa samo letidu na peškafonde,a bome,zna naletit i koja sipa…

Jedva smo čekali kad čemo uč u EU,jerbo smo mislili kako čemo imat plače ka ča su tamo,da če nan država bit sređena ka ča je tamo,da če nan političari za svaku svoju glupost davat ostavke,ka šta to tamo činidu,a šta smo dobili,za svako poskupljenje ča nan namečedu dobijemo odgovor kako smo mi dijal unije i normalno je da nan i cijene budedu ka tamo,a plače,naravno,ni blizu oni ka šta…

Da od prvoga dana od kako su se jema dvi godine mekla nova svitla na stari kanpanejal jema problema to znamo,ali da se ovako prati šta se u ove zanje dane sa njin događa,me ugodno iznenadilo,pa se zna i ura kad se došlo popravljat i da če prije nego šta se uvečer užgalo,večeras sa svitliman sve bit u redu,a vidilo se pratilo se dokle se okolo kanpanela radilo,ajde dobro,za sad…

Najpri kad če,kad če,a sad kad je stari kanpanejal napokon prosvitlija,opet nevalja,a ča Van sad nevalja,a ti ka ne vidiš,je li,a neznan na što mislite,prosvitlite me,ako te ja prosvitlin ovi če jedan,a drugi nastavija,a ti ka ne vidiš da ne goridu sve konture od kanpanela,a,a je,eto kad si spomenija vidin ka da mi je ništo čudno,čudno je li,a je dobro si reka,uvalija se sad i treči u priču,čudne stvari se…

Sriča da niko nije naletija kad se jučera zbog puknute tlačne kanalizacijske cijevi u ulici Rimski put raspukla cesta. U početku san brojija ova puknuča,ali san odavna prista,jerbo svako malo u dužini od jednu stotinjak metri cijevi od ovega kanalizacijskoga sustava znadu puknit. Je li,ka ča ljudi govoridu,niko štako krivo napravija,materijal od kojega su učinjene cijevi,nije baš kako bi triba bit,nigdi se siguro falilo,jer ovo nije normalno koliko su puti…