Zanimljivo,ma kako se to more dogodit da ideja začeta u „Doba mraka“bude realizirana onda kad od pustega svitla moramo sa očaliman za varenje odit? Puno nas zna kako se oduvik govorilo da če se u ovu našu kavu u Sučurcu itat smeče,a zanimljivo je da se ota ideja počela spominjat tamo početkon osandeseti godin,nikoliko godin se o tomen govorilo,pridočene ekonomske računice su opravdavale otu ideju ka nešto najnormalnije šta bi…

Asti,a ča ja znan,niman ti ja fejsbuk,pa nisan moga pročitat,a ti mi reci,a da nima ni on fejsbuk,nego je čuja o nikoj predizbornoj koaliciji i da je nakon toga Željan bija vrlo žestok i sad svi o tomen brujidu,a ja ne bija lin i zva Željana,a ča si to napisa na fejsbuku pa svi o tomen govoridu,e,a onda mi je on to emajlira i evo sad ovde pa pročitajte da…

Ona uličica u Varošu je naravno,opet u travi,a o rupetinaman ča su u betonu i ljudi iskričedu noge,nečemo i tako se od puste travuljine ni ne vididu.Nečemo ni o tomen da ljudi več duugoo vrimena nadležniman u gradu ukažijedu na ovi problem,a isto tako jedan od stanara je jema i godinu ipo to iznija i na sjednicu od MO-a,ma zaludu.Ipak smo mi grad,ne selo?

Da če,kad se maknedu oni gvozdeni kontejneri smeča bit svugdi okolo,to se znalo,ali da če ga ovako ostavljat,e ovo je ipak mašo.

I jučera je u našemu selu bilo prilično živo,filmska ekipa snimila je novi nikoliko kadrov u našemu selu,pa je tako bija zaustavljan i promet,a naši miščani se nisu baš puno bunili,čak su gasili motore iako nisu tribali,išli u rikverac,iako nisu tribali…,a dosta nji je stalo sa strane i promatralo ča se na sceni događa,a to jučera snimalo se kako…,a nije baza sad reč,pa kad budete gledat film neče Van bit…

Ona jučerašnja gungula na Sokolani kad je rukometno igralište bilo puno konbiji sa opremom i podignutiman šatoriman,parkiralište ispod opčine na potezu prema Sokolani puno niki stranjski registracij,di je na početku sta policajac i zaustavlja aute ča bez akreditacije nisu mogli proč,u određenomen momentu bilo je ograničeno i šetat,ka i pusto svita isprid doma za starije i nemočne di se govorilo njemačkin i engleskin jezikon i natpis na njemu, Psihijatrijska poliklinika,…

  Jutros ne prestajedu priče po selu o natpisu doli na Sokolanu navr ulaza u onu zgradu di su bili domaši,a posli stari i nemočni, di od jučera stoji natpis Psihijatrijska klinika,e ka po običaju na Rivu je odma bilo dosjetki na ovu temu,pa je niko reka da biče ovo koja stranka za predizbornu kanpanju čini arlekinade,ka i onu,a nisu znali di če,niko je pomno bira misto di če ovo…

Malo je ljudi bilo,a ja san bija jedan odo ti malo,kad je lani u kinu u sklopu edukacije o odvajanju otpada,koju je organizira Grad i Zeleno i modro kroz sva mista u Kaštiliman predavač među ostalin govorija, kako su tetrapaci vridna sirovina koja se more pet ili šest puti ponovo iskoristit,e sad ja gledan,a ča su oni to nan govorili,a zašto oti predavači nisu to iznili oniman u gradskoj vrhuški…