Svaki dan sve više jema nji ča šetadu sa pasiman,a kako se povečaje broj pasi tako iz dana u dan jema sve više govan,e na plažaman,e na Rivi,e u Getu,e u Varošu,e u…eno namo,odluke su donesene,kazne su poznate,a govan di se ko okreneš?? Pa onda ljudi kad ugazidu u određeni objekat,šaljedu kvragu pase,a oni bidni uopče nisu krivi.

Tamo okolo četiri ure popodne kroz selo su se čule sirene sa vatrogasni aut koje su odile staron ceton prema istočnoj strani od sela,a tamo kraj Emezete,užgala se ferata,točnije lokomotiva koja je vukla vagune-cisterne,govoridu prazne,a veču dežgraciju su spriječili naši vatrogasci koji su sa pjenon uspješno i brzinski zapaljenu lokomotivu udunili pa je tako moguča katastrofa izbjegnuta.

Ovo kako je korona virus krenija tako je sve okolo nas deškvarta,ništa više nije isto ka pri,a oni ča su se nakon korizme mislili oženit to zbog razni zabran nisu uspili napravit,a onda kad je parilo da se sve vratilo na staro,oni ča su bili na redu to sa piron su uspili uz ove i one mire odradit,a onda se opet sve zakonpliciralo,virus se raspojasa,pa se opet počelo šuškat o…

Kako vidimo Korona virus nije, ka ča se to mislilo da če sa toplijiman daniman pobignit,je li ovo drugi val ili ka ča nan očedu reč da nije,več da su to krakovi od onoga prvoga,o tomen neka se “oni”između sebe karadu,uglavnon vidimo da je jučera bija dan koji je od pojave toga virusa bija jedan od najgori,ča se broja oboljeli tiče,čak se donila odluka da u zatvorenomen sad svi moramo…

E a sad da koko krivo ne svati,to je ono vanka di se mekne šugaman za leč,žalo je sa toga mista skroz nestalo. Prolazin danas Gojačon i jedna žena ča se tote kupala mi govori da je li mi more ništo reč,da je li more,govorin ja,pa mi pokažije na misto di je predviđeno za ležat na žalu i govori kako jema več dvi-tri godine da niko nije niti karijolu žala…

Sučuračka Klapa Podvorje se po drugi put od svoga osnutka plasirala  u završnu večer najelitnijeg klapskog natjecaja. Finalna večer Festivala Dalmatinskih Klapa održat će se 25. Srpnja 2020. Na Trgu sv. Mihovila u Omišu uz direktni prijenos na HRT. Na finalnoj večeri FDK Omis 2020. Klapa Podvorje izvest ce dvi skladbe i to Otvor vilo (narodna, obrada kresimir magdic) i Sol na koži (tekst J. Fjamengo, obrada R. Kraljević). Sastav…

Gori iz pravca pogona ča se tote nalazi svugdi okolo počmedu letit komadi karte kafene,bile…komadi plastike,razne kante,čak su par puti i one željezne bačve odozgara prema doli završile itd.itd.,a tako je bilo i jutros. A taman je kad san oto slikava prolazila auta od Zelenoga i Modroga,danas je bija dan od kupljenja karte ča je ljudi ostavidu,pa su njiovi radnici usput,ono ča su uspili,tj. ča je bilo na podu dijal…

Evo ga na,finila je i ova,a ka da je jučera bilo da mi je mala u prvi razred krenila,a evo je več dobila svidožbu od osmoga. Čudno je to sve skupa ovu godinu bilo,najpri su jemali štrajk koji je do sad bija jedan od najduži u povijesti,nakon kojega su tribali nadoknađivat puste propuštene ure,a onda ji je opet strefilo ništo šta se u povijesti školovanja nije dogodilo,a to je da…

Jutros okolo deset ipo na Sučuračku rivu pojavija se Miro Bulj,sidili smo na šentadi i ugledali ga tamo kraj starega kanpanela,pa mu se Ivo-Antunič javija,Miro i manija mu rukon da dođe i eto ga put nas,a Ivo mu odma u ruke pruža niku propagandnu knjižicu od suprotne stranke i pita ga da ča misli o tomen ča unutra piše,ali o tomen nečemo,zanimljiviji je bija nastavak priče kad je Ivo pita…

Za one koji neznadu di je u selu park,a vidija san da ji puno nji nezna,to Van je oni doli prostor ispod stare škole,a di je stara škola,ako neznate, tot Van ne mogu pomoč,pojednostavnit ču i ka ča to u nas inače biva,ljudiman moraš nike stvari po orjentiriman objašnjavat,pa kad rečeš da je park namo di kafič Roko jema štekat,onda se čuje ono,aaan,pa ča odma nisi reka,a ko nezna u…