Da ji sad triban pofalit kako su lipo ono stare jugovinilove štrike uredili
Ne razumin?
A oli si dobija zadatak sad falit okolo kako je očiščeno,a nisan te do sad čuja da si govorija kako se nije očistilo,niti si na društvenin mrižan oba tomen pisa,a sad kad se dovelo u red, na sva zvona triba tuč??
E i sad vidiš ti ča si reka,to bi moga usporedit npr.sa pekarom,koji bi nakon svake ispečene štruce kruva triba trčeči izletit vanka i uvatit se vikat,ispeka san kruv,eeeee,jupiiii,grlite me ljubi te me,ispeka san kruv…
Ka prvo zadatak oni ča su na vlasti je da sve učinidu kako bi življenje u pojedinoj opčini,gradu,županiji… bilo šta ugodnije,a ovo ča se očistilo je jednostavno posal koji je tribalo učinit,a znaš ča,govorin ja njemu,a najbolje bi bilo da jin sad u znak zahvale pošalješ bonbonjeru.Da neka iden.Fala.
Ovako je bilo:
A sad ovako:
Da šta se ono radi na cesti navr Osnovne škole?
A neznan,a kako neznaš,a u Mjesnome Odboru si,a lipo,ka da ne znate da je HDZ blokira rad Mjesnoga Odbora i uopče nemamo sjednice,a ovo ča se radi bi moglo bit,(neznan sigurno,več nagađan)ono ča su rekli da če u peti misec napravit,a to bi tribalo bit ništo vezano za pješački prilaz navr škole,znate i sami koliko san godin na viječu roditelji o tomen govorija i samomen sebi san više bija dosadan,pa…
Otvori ...Da zašto ništa ne pišen o tomen ča se u selu događa?
A ča bi sad tili, da se i ja natječen u disciplini, ko če dalje pljunit? A kad neču. A ovo ča se ove dane po selu more čut je ono,krajnji debilizam,pa se tako nadodaje i oduzima kako komen ča padne napamet,a nikako da jin dođe do mozga,da je ova Korona bolest ka i svaka druga,naravno,triba se pazit,držat higijenu-prat ruke i sto puti ako triba (a kad čete po selu…
Otvori ...Da bi li o ovomen šta napisa
Poslalo mi je nikidan emajliranu poruku o problemu stare jugovinilske štrike,da bili napisa da tote jema pantagani,zmij… i da bi li se to ruglo usrid našega mista moglo uredit,važno je da se zovemo grad,a ne moremo bit veča selendra nego smo. Evo san ja napisa,ali ka ča svakomen rečen,napišite i Vi par crt,o bilo čemu ča Van smeta,ovako ispada eno,opet onemu ništo smeta pa brontula i grinta,a kad su nan…
Otvori ...Evo je ovi naša di če sa materijalon
Ovo san slika sinoč-u nedilju,a zanimljivo,svaki ponediljak doli isprid crikve meknedu kontejnejar za glomazni otpad,e i sad ispadamo svi budale ča nosimo doli??
Otvori ...Asti,a ča je oni frižider doli na Mulu?
Glavno je pitanje u selu. A to je frižider za ladit sokove. Ono kad si žedan otvoriš frižider uzmeš sok koji ti paše,ali samo jedan,triba mislit i na druge i brzo zatvori frižider da se puno ne lanbika. Ako kojin slučajen unutra nima ništa,strpite se,navratite kasnije,ljudi su puno žedni,pa brzo nestane.
Otvori ...Požar u Sučurcu-jeli moglo bilo ispast drugačije?
Naravno,posli svakoga događaja počne se sa raspravon, jeli to moglo ispast drugačije nego ča je ispalo, bilo to da se radi o balunu, ka i nikidan o ovomen požaru ili …, pa bi oni bija učinija vako, oni onako, odluke na bilo kojem terenu, donosidu se trenutno, onako kako trenutna situacija nalaže, ovi požar nikidan bija je sve, samo ne obični, jerbo je deralo jako Jugo, a ka ča san…
Otvori ...Ovako je izgledala Kanaderska obrana Svetoga Jure
Jeli se zakasnilo sa upučivanjiman Kanaderi prema Juri, odma danas na licu mista počela je rasprava,ali,kad situaciju sagledaš sa svi stran onda se vidi kako je sve na današnjemu požaru bilo nikako naopako i nepredvidivo,jer samin tin da je puvalo onako jako Jugo,po sviman zakoniman prirode,fizike… oti požar nikako nije triba odit prema Jurijevu,več onako kako je i odija,prema Gomilici i vrju,ali,priobrat se dogodija kad se vatra zavukla u dolu…
Otvori ...XXII Dalmatinski susret oldtajmer motori na Sučuračkoj rivi
Najpri su se jučera ujutro našli na našoj rivi,doručkovali,zapalili šteriku palima braniteljima,pa su išli do Spliske rive,kasnije se opet vratili u Sučurac i nastavili druženje i to u Žardinu,tamo lipo obidvali-odojka,a kasnije,ka po običaju,na Gojaču su se i okupali.
Otvori ...
Komentiraj