Šta se ovo događa na plaži Sokolana?
Ka ča znate,ono muleta doli na plaži na Sokolani je maklo ča i naravno,za očekivat je kako je selo podiljeno,dok je jednima drago da je oto plaže sad u komadu,drugi,pogotovo oni ča jemadu dicu nisu baš oduševljeni,jerbo da je dici bilo drago tote skakat,ali sad neču oba tomen,neka svak raspravlja onako kako mu odgovara.
Sad čemo o posljedicama koje su ostale nakon uklanjanja otega muleta,jer očito je kako cili materijal od razbijanja istoga nije uklonjen i sad zbog toga jemamo kafeno more,jerbo ono ispire ostatke koji su od muleta ostali i panika je ča če bit ovega lita,dok jedni mislidu kako če se to do lita isprat,ovi drugi govoridu da če se cilo lito more,ka i sad,kafenit,pogotovo popodne kad učine donji vitar i valovi počnedu plakat oto plaže ,a treči govoridu,nikad van nevalja,ajme kad se ništa ne radi,ajme kad se čako napravi i onda van smetadu ovakve sitnice…,ajde pak,ma baš je sitnica…
Evo malo o Sučuračkoj povijesti vezanoj za cvitnicu
Vratičemo se tamo u daleku 1596 godinu kad je Uskočka vojska na Cvitnicu sa stanovniciman Kaštili i Sučurca osvojila Klis iz Turski ruuk,a na čelu in je bija Spliski plemič Dr. Ivan Alberti,general Juraj Lenkovič,Biskup iz Senja i naši Sučuraški glavari. Ali nažalost,nakon samo dva miseca izdajon Venecije Klis je ponovo dopa u ruke Turak,tako da su Sučuraški glavari od kazne smrti spašavali glave i morali su iz sela bižat…
Otvori ...Jema bit da nan pritiče?
Nakon šta je jema dvadesetak daan “popravljeno”ulegnuče šahte za odvodnju oborinski vood tamo blizu Đardina,ima par daan da je na oto misto meklo okomitu signalizacija,jerbo ka ča san onda napisa kako je sređena posljedica,okolo šahte je asvaltiralo,a uzrok koji se nalazi ispod zemlje je i dalje osta,ali jema bit da se napokon uspilo vidit da oto posla nije učinjeno kako triba pa se meklo oto znaka ka upozorenje,a valjda če…
Otvori ...Radovi na plaži Sokolana
Zvalo me jučera,zaustavljalo po selu nji,neznan ni sam broj,a sve zbog radov ča su se počeli činit doli na plaži Sokolana,a bilo je i oni sa baketinan,ka ono,eto ruši ti oni mujal,a ti si bija protiv toga,a znadu vrlo dobro zašto san ja bija protiv toga lani u drugi misec na sjednici od Mjesnoga odbora,na kojoj san isto tako reka kad ču podržat rušenje otega muleta,pa zato evo podsjetnik,dijal onega…
Otvori ...Dobro smo prošli,kako je to bilo pri četiri godine kad je ovde u nas pa snig
Danima nas je plašilo za ovi prodor ladnoga zraka ča nan je danas doša,iako jutro nije baš obečavalo,jerbo je uz ono divlje buretine padalo ništo slabe kišice dokle je Mosor bija obavijen sniježniman oblaciman,sad je sve mirno,a sad,šta če bit dalje,oče li ovo vitra šta je najedan put sta,opet pojačat,tenperature,one nočne,bit u velikomen padu i to ostavit posljedice na ovo sve ča je od poljoprivrede provirilo iz zemlje i na…
Otvori ...Diljenje uskrsnic
Od sutra-ponediljak,pa do petka Kaštila če za sve penzionere dilit bonove od pedeset euri,a podignit ji morete od osan uri ujutro,pa do jedne ure pozapodne u prostorijama Sučuračkoga Mjesnoga odbora,isto tako bonove če dobit i nezaposleni…, koji su na Zavodu evidentirani na dan 31.ožujka,a bonove moredu predignit na ulazu sporske dvorane na Sokolani…
Otvori ...Objašnjenje za ono dima ča je nikidan izlazilo iz fumara od cimentare
I dok je večina svita zabrinuta i za pinkicu dima ča se diko vidi da gre iz otega fumara vanka,pa sad izgleda ka ono tankoga dima od španjuleta,jema i oni mudraci ča znadu reč,a nije van smetalo onda kad je u doba mraka dimilo,a ča na oto reč,a ništa,jerbo ča otemu govorija da govorija,isto je ka da si sa zidon razgovara,ali opet ne moreš odolit,a da mu ne rečeš,a je…
Otvori ...Uređenje Sučuračke rive,klap,po ko zna koji put-lučica
Znan da če koko sad vidit datum i na ovo texta odma manit rukon,a sitit če se koko i kako san oba uređenju dila Sučuraške rive sa slikon projekta na isti datum ka i danas i 2017 godine isto tako pisa… O uređenju Sučuraške rive se več generacijama govori,ovo ča sad jemamo nan je Franjo Josip u dotu ostavija,one gvozdene kolone za vezat brode doli na Mulu bi nan mogle…
Otvori ...Nije mi jasno,zašto se ljudi cilo vrime čudidu
Nikako da svatidu kako se ono ča smo gledali na filmovima,više ne događa samo na onemu tamo Zapadu,več to sad moremo vidit i uživo,ovde u nas. Sitiče se oni koji su,kad smo bili u takozvanomen dobu mraka,odili vanka naši granic kako su se tamo isprid banak mogli vidit naoružani ljudi koji stojidu isprid vrat,pa smo se čudili,ma vidi divljega zapada,policija jin mora isprid banak stat,ustvari,mi smo mislili da je to…
Otvori ...
Komentiraj