Zvizda bez jednoga kraka
Kad san bija dite morski zvizd je bilo puno more,a nikidan nakon dugo vrimena uspija san jednu vidit,ali bila mi je nikako čudna,gledan ja nju,ma čekaj malo,ništo tote nije u redu,kad ono,nima pet krakov,več samo četiri,asti,a ča je ovo,em ča ji nima,a kad je vidiš onda je bidna vako dešvana,a ča se dogodilo,nije valjda kako je koko od oni ča jin zvizde činidu duševne boli, oviman bidniman morskiman stvorenjiman,po jedan krak počeja skidat,ne virujen da je to išlo baš tako daleko,ali kako je krenilo,nebi se čudija da komen padne na pamet i počme inzistirat da se zabrani uvoz pičiman ča na svojoj etiketi zvizde jemadu,a i jestiva ulja da prominidu naziv,a kad se poznate face budedu u glumi ili glazbi spominjat,tribat če dobro pazit da komen ne izleti kako je oti-ta poznata zvizda od svoga zanata,a kako čedu se oteli i apartmani kategorizirat ako se zvizdice ukinedu,itd.itd.,možda da je bilo osnovat koju novu agenciju sa jednu stotinjak zaposleni koji čedu sve to ako bude,ča se zvizde tiče,regulirat,e i kad to napravimo, onda je to,to…
A vidi gužve
A šta če bit kad nan sa Auto puta tunelon bude promet u Kaštila silazit? Slikano pri dva dana-ponediljak i nije samo u našemu selu,več i u Gomilici i ka ča morete vidit na zanju sliku i u Kanbelovcu,dalje nisan odija pa neznan kako je bilo.
Otvori ...
Text iz 2018 – A di je “nestala”naša Gospe na Hladi????
Nije mi jasno kako niko nije javno reagira pa ču evo ja čako odo tomen napisat.P Nije prvi put da se dogodilo kako je naša Gospe na Hladi,prije od Doca… izostavljena u nabrajanju Marijinih svetišta,pa se tako i nikidan dogodilo kad je u jedne novine na četiri strane objavilo Marijina svetišta sve od Paga do Kotora i Bosne(njih 22) di je našu Gospu jednostavno izostavilo,jerbo se uzela nika špranca i…
Otvori ...Jeste li vidili jučera ovi fenomen?
Događalo se pri zalasku sunca,kad se livo od njega moglo vidit još jedno,manje “sunce”,nije često,ali nije ni tako rijetko,a da ja sad ovde ne konpliciran,pa čemo jednostavno, radi se o lomu sunčevih zraka na kristaliman leda i još na kraju,ovo jučera se vidilo samo sa live bande,a diko zna bit i sa live i desne…
Otvori ...Doček Spliskih olimpijaca na Rivi
Večeras su Spličani dočekali svoje olimpijce,Barbaru Matić,osvajačicu zlatne medalje iz đuda,Lenu Stojković,osvajačicu brončane medalje iz taekwondoa i srebrene vatrepoliste,Rina Burića,Antu Vukičevića i Jerka Marinića Kragića.
Otvori ...Fešta o maškar
Ovu subotu se dogodila i zanja fešta ovega lita ča su je učinile Sučuraške maškare,neču puno o tomen kako je bilo,jerbo če ispast subjektivno,ali ču spomenit kako je bila lutrija koja je imala toliko nagrad,da je to sve skupa okolo podile trajalo četrdeset i pet minuti,a cili novac od prodane lutrije iša je u humanitarne svrhe,za Darku Ljubenkov koja je nesritnin slučajen,pada na Gojači ostala u invlidskiman koliciman,a novac se…
Otvori ...Evo se asvaltira donji dijal ceste
Radovi od Lučice prema fabrici pomalo ali sigurno napredujedu,to ča bi mi tili da to gre brže je jedno,a stvarnost ništo sasvin drugo i puno nji ča je danas govorilo o ovemu asvaltiranju je drago kako je napokon donji dijal ceste od ove dionice napokon gotov,a svi se nadaju kako se ništa nije zaboravilo,tj.da je sve od instalacij ča je tribalo tote stavit,meklo i da nas neče iznenadit koje novo…
Otvori ...O ovomen se u selu jučera i danas govori
Političarima su puna justa poginuli Hrvatskih branitelja,a zanimljivo je da se niko od nji nije sitija kako bi bilo lipo na Dan pobjede,domovinske zahvalnosti i dan Hrvatskih branitelja na spomenik poginuliman braniteljiman koji se nalazi na našoj Rivi u znak zahvale,meknit koji buketič cviča i zapalit sviču. Jedino ča je to tradicionalno napravija Tonći Šiškov-Zagor u ovu subotu povodon susreta oldtimeri… Šta se govori po selu neču,jerbo ka ča več…
Otvori ...
Komentiraj