A znate li ča je bilo na današnji dan pri dvadeset i tri godine?
A bija je ponediljak i finale Vinbledona kojega je osvojija Goran Ivaniševič. I nima koja svjeska televizija i novina to nije prinila,a oni koji vanka imadu koga svoga na kučne adrese dobivali su razne isječke iz novin o tome događaju ka ča če te moč vidit dva iz Čikago Tribuna,a isto tako jeman i par slik kako je to izgledalo u Splitu koji je Ivaniševiču napravija spektakularni doček di se skupilo okolo stopedeset iljad svita,a u moru odisprid rive jednu trista brodic,a kad je to sve vidija Goran nije zna ča če od sriče činit pa je sa sebe počeja skidat sve ča jema i ita ljudiman u publiku koji su se gracali za otin i na kraju osta samo u mudantaman. A sičan se oti dan koliko je svita bilo da san fiču ostavija gori kraj bivše Jugoplastike i popeja se na kanpanejal o Sv. Duje za odozgara uvatit kako je to bilo i onda san saša da ču poč doli do rive ma nisan uspija jerbo je grad bija u totalnoj blokadi puna Marmontova,pune Prokurative,puna Matejuška,puno na gatu isprid Kapetanije,tako da na rivu sa nijedne bande nisan uspija doč jerbo je to bila taka gužva koju nikad u životu na oto misto nisan vidija,to je ono bukvalno ča se reče sta čovik do čovika zbijeni ka sardine da ni igla na pod nije mogla past.
Hajdučka noč na Gojači
Sučuračka Udruga navijači Hajduka je u petak učinila Hajdučku noč i visoko podigla ljestvicu za buduče fešte koje če se ovo lito u našemu selu događat,bilo je tote i čovapčiči i tunjevine,one sa gradel,a isto tako i na pašticadu,a za crni rižot kad je bija gotov,se odma fila stvorila,bila je i lutrija,di se moga dobit Sučurački navijački šal,majica od Udruge navijači iz našega sela,pršut,originalni dres Ajduka,a zanimljivo je da su…
Otvori ...Da zašto je ono u petak iz cimentare prašilo
Zvoni mi u petak tamo iza devet ipo ujutro mobitel,opet ono sa druge bande,da di san,ležin,nani ti mali nani,a neka cimentara dimi,ajde pak,a ča bi ja sad triba učinit,a ništa,čujen sa druge bande slušalice,pajki ti mali,pajki,a ča ču sad ležat kad si me razbudija i iden ja vidit o čemu se radi,kad ono,ne dimi iz nikakvoga fumara,več praši iz pravca silosa od klinkera,šta je vrlo čudno,ali kasnije doznajen da se…
Otvori ...Stupiči o kojiman se u selo još uvik govori
Neka če evo sutra bit i petnajst daan da ji je meklo,a mene potižedu cilo vrime za rukav,tako da mi je od kratkoga deboto učinilo dugi,da kako ja o tomen nisan ništa napisa i da ja oba tomen moran ništo napisat…,a još mi se gre indirektno sugerirat i kako bi ja to triba učinit,a mislin da onako kako ču ja to napravit i neče baš bit po volju otiman,pa če…
Otvori ...Crteži na Gojači su gotovi
Pa tako jemamo na svakoj prostoriji od pojedine udruge prepoznatljive motive,na prostoru od planinari imamo nacrtane planine,šumu… na prostorijaman od ribiči,more brodič,Barbarinac…,a u sredini,prostoru koji pripada udruzi navijača Hajduka imamo nacrtane motive koji se naravno,tičedu Hajduka,navijanja…
Otvori ...Nesriča u Sučurcu
Jučer ujutro je od električnoga napona poginija radnik koji je izvodija radove u obnovi jedne kuče. Kako se to dogodilo,zašto se to dogodilo…postojidu razne verzije koje i danas kružidu našin selon i ka po običaju svak ništo u svojoj priči novo nadodaje,pa dokle? Zašto ljudi imaju potribu za tin? Čovik je poginija i iz pijeteta prema žrtvi ostavite se priči,a oni koji to triba,utvrdit če činjenice i razlog zbog kojega…
Otvori ...A je nas ludaju
Kako se dogodilo da nan voče i povrče ne prodajedu na kile,več se to čini na komade,oli na posudice,pa se tako zna dogodit da glavica salate košta “samo” jedan eur,alo,jedan eur,a u njoj nima ni petnajst deki,a onda kad baciš računicu koliko bi došlo po kila,oli kil,slabo ti dođe,ali eto niko se lipo sitija kako čedu nas na fini način “pokocat”,a ono kad ti uz cijenu reče ono samo,odma ti…
Otvori ...Sveti Ivan svitnjak,Krijesnica ili ti ga,buba žižica
Danas je Sveti Ivan,a uvik u vrime okolo Svetoga Ivana,u vrtlu isprid kuče,još od kako san ja bija dite,pa do dana današnjega,na ista mista pojavi se jedna mala životinjica iz koje svitli kričavo zelena svitlost. E sad,moji su mi govorili da je to Sveti Ivan svitnjak,pa smo tako i mi svoju dicu učili,s tin da je još dobila naziv i Buba žižica,a oti naziv je i do dana današnjega osta…
Otvori ...Danas je Dan antifašističke borbe
Na današnji dan, prije 83 godine u šumi Brezovica kraj Siska oformljen je Prvi sisački partizanski odred koji je ujedno bija i prvi antifašistički odred u Hrvaskoj i u Evropi.Povodom ovoga dana Sučurački antifašisti su položili vijence i zapalili sviče na spomen kosturnici poginulih antifašista iz našega mista.
Otvori ...
Komentiraj