Bilo je do sad dosta prosvjedi protiv spaljivanja šta šveleri,šta ovega i onega u cimentaraman,ali svi oni zajedno ni izbliza nisu skupili svita koliko ji je bilo na ovomen u subotu ča ga je Građanska inicijativa Splita učinila.A kad san doša isprid kazališta okolo deset i dvajstipet ništa nije ukazivalo na to da če prosvjed bit onako masovan, tek di koji aktivista ča je dilija letke i tamo u ladu par roditelji sa dicon u koliciman,jedanajst manje dvadeset je,a skupilo se tek okolo stotinjak svita,ma svašta mi je u ote minute prolazilo kroz glavu,a glavna misal mi je bila zašto su ljudi indiferentni,sve jin je nikako pusti me stat.I, najedan put se trznen, kad okolo mene niki pusti svit,a ča je ovo?oli sanjan?bilo je jedanajst manje deset,a ono trga isprid kazališta bilo je krcato da nisi ono ča se reče jema di iglu bacit i to u večini mladi svit, sa dicon na rameniman, u koliciman, za ruke ji držidu, jerbo ako se u ovoj masi koko izgubi neče ga bit lako nač.

Taman san u to nabasa na Vjerana i on ka i ja cili u čudu pita mene,a je li, di smo mi to kad smo do sad prosjede činili falivali,pa da nismo svit uspili ovako animirat?sliježen rameniman i onako cili u čudu mu govorin,a neznan,a zanimljivo je to ča su večer prije na sastanku ovi ča su prosvjed organizirali govorili i o tri četiri iljade svita šta ji oni očekujedu,a ja san ji nako u čudu gleda i reka iz vaši ust u Božje uši i evo, pokazalo se da su bili u pravu i neka su i drago mi je da su bili u pravu,a na onu ča mi je Vjeran reka,a i svi mi smo se kasnije pitali:”Di smo mi to dosad falivali”?

Odgovor je, nigdi mi nismo falivali,sve smo mi to i te kako dobro odradili,ali se pokazalo da smo iako se zovemo gradon jedno “veliko selo” di nas je priko razni portali i pričan kojekakvi likov kroz selo tilo prikazat ka nike čudake,karijeriste, koji oče promovirat sami sebe i to iskoristit za daljnji osobni probitak, je,je, pojedinci su očito dobili zadatak da učinedu posal, a zanimljivo je da su se te osobe samopostavile ka moralne vertikale i uvalile u sve pore našega društva i ča oni rečedu da si, to si i to ti je tako,a dokle če bit tako opet ovisi o nan,ali se nadan da če puno brzo doč vrime kad če narod reč dosta onima ča uvik “pišedu” (onda ko je bija na prosvjed)ili ka nikidan(ko nije bija na prosvjed) i da više nečedu dozvolit da sa njiman”upravljadu”npr. SMS poruke,več glava, vlastita.

Sriča je eto da se Split probudija.Valjda nije kasno?