Tomosi na Sučuračkoj rivi
Ovu nedilju dogodija se četrmajesti po redu susret Tomos motorini u našemu selu koji je organizira Tonči Šiškov,popularno zvan Zagor.E,lipi je ovo bija susret sa impozantnin brojen motorini koji je bilo okolo šezdesetak,nikad ovako,tako da su i oni najokorjeliji kritičari zinili kad su to vidili,a sičan se kad su Zagoru u počeciman kad bi na oviman susretiman bilo samo po par motorini solili pamet,e nevalja ti ovo,nevaljati ono,ne radi se to tako,več bi to tribalo činit onako,da se ja uvatin toga (ne ja več govorin o otiman)to bi ovde bilo auuuu,koliko motorini,a dobro,dođi onda pa mi pokaži kako ču,reka bi Zagor takvima,a onda bi bilo,ali niman ti ja vrimena,an tako,znači ti bi to sve bolje od mene učinija,ali nimaš vrimena zato.
A eto,ko ko ča učine,nađe se koko ča če reč da on zna bolje,ali ka ča smo vidili,nima on za to vrimena,a Zagor u naše selo učine godišnje tri događaja,susret old tajmeri,pa onda susret Tomosi i pri kraju godine na daleko poznatu utrku kariči,šta je sad svugdi okolo kopiradu,ali ipak,zahvaljujuč Zagoru,Sučurac se more pofalit kako smo je mi prvi imali,e.
I opet,po ko zna koji put na onemu semaforu kraj vatrogasac
I jutros je okolo jedanajst manje kvarat opet bija sudar kraj vatrogasac. Političari su nan onda govorili kad se Magistrala činila kako su semafori najsigurniji,tako da se ideja o podvožnjaciman uopče nije uvažila,a isto tako su ikružni tokovi odbačeni,pa zato sad svako malo na Magistrali šta gre kroz selo jemamo sudare,a vrime pokazalo kako semafori i nisu baš tako sritno rješenje i da bi se svakako tribalo počet razmišljat kako…
Otvori ...Evo ga,doša je i ti dan
I ka ča san još na početku lita reka,proletit če vrime,nečemo se ni okrenit,a doče nan izbori za Mjesne odbore. Evo Van sad prava prilika,ne stojte sa strane i mislit kako čete probleme rješavat komentariman i lajkoviman priko društveni mriž,mjesni odbori su ti okle sve kreče,pa ajde,krenite sa nezavisniman listan,tribate skupit trideset potpisi oni koji če otu listu podržavat,triba bit devet osob na listi koju pridlažete,a svako od nji triba…
Otvori ...E i onda svi govoridu o mladiman stranciman koji činidu razne majmunarije
A jeli to baš tako? Evo na ove momke ča čete ji vidit na slike,tribalo bi se ugledat tri dila sela,najpri san se pita zašto su izabrali baš ovo misto kraj kontejneri za da bi mogli picu izist,a onda san vidija,da su,kako su izili picu,škatulu u kojoj je bila mekli u kontejner od karte,kesicu i bocu od soka,stavili su u oni žuti kontejner od plastike,imali su problem,nisu znali di če…
Otvori ...Eee,samo nan je ovo falilo,ma baš je lipo selo, ka točka na slovo i
I sad neka koko reče kako niko ne vodi računa o našoj Rivi,a vidi srčeko šta su ga metili,a ča bi ovo tribalo predstavljat,ovemu jednomen paridu ka dvi velike zmije koje su se sa glavan spojile u sredinu,dugo če durat,baš ga je na lipo misto metilo,više od po šetnice mista je zauzelo,a po noči u mraku če se koko gadno priko njega slomit,oli če koko biciklon,na rošule ili romobilon u…
Otvori ...Da ča ono bageri činidu uz cestu di je zapadni ulaz od fabrike cimenta?
A koliko ja zanan tote je bilo govora da bi se činilo reciklažno dvorište,a to san čuja od direktora Zelenoga i Modroga kad smo ka ča san več oba tomen pisa odili kroza selo za vidit di smistit polupodzemne kontejnere i onda je reka,kad se oto reciklažno dvorište otvori,da če maknit one kontejnere za glomazni otpad,ča smo ji ponediljkon imali. Ali ka ča znamo,ukinilo ji je odma početkon godine??
Otvori ...Ovako je to bilo na sinočnjoj fešti ča su je učinile Sučuraške maškare
Svi su se pitali šta ono Šime u ulju friga?A to je činija prencipale,šta se tiče crnoga rižota nima ko ga nije pofalija,a ka mali posal se oko njega učinija,ka ča morete vidit na onu prvu sliku,počeja se spremat okolo jedanajst uri ujutro,za da bi se več nakon ure vrimena od početka fešte,strugalo dno od teče,a bome ni tunj sa gradel nije bija ništa lošiji,pa je onda još bilo čovapčiči,pečeni…
Otvori ...Krnjevalska pučka Udruga Kanpanel-priopčenje za javnost
Dana 25.06.2022.g.u Kaštel Sučurcu u organizaciji KPU Kanpanel održana je humanitarna gastro večer „Udruge za Darku“ u kojoj su sudjelovale brojne Kaštelanske Udruge. Ova humanitarna akcija odvijala se sve do sada,tako da su se uz donacije mnogobrojnih tvrtki,društava,pojedinaca,Udruga, Gradova…prikupila sredstva u visini od 206.404 kuna, koja če se koristit za Darkino daljnje liječenje i rehabilitaciju. Ovom prilikom svima onima koji su ovu akciju podržali i u njoj na bilo koji…
Otvori ...Šta ti je zaluđenost Ajdukon
Oni moj sin je prošlu sedmicu zacrta kako če poč u Španjolsku navijat za našega Ajduka. Pa krenimo redon,najpri je u sridu ujutro u sedan manje kvarat sam krenija autobuson iz Splita prema Dubrovniku,a tamo zbog gužve na cesti doša okolo ure i kvarat,pa je onda iša prema dubrovačkomen aerodromu okle mu je krenija avijon koji je u startu kasnija,a onda se uputija prema Minkenu i tamo doša za uru…
Otvori ...
Komentiraj