Devedeseta Mrdulja
Jučera-subota održana je devedeseta po redu Mrdulja na koju se skupilo dvista jedrilic,ali vrime jin u samomen početku nije bilo baš naklono,dosta vrimena nakon šta je označen start,svi su još uvik bili na jarpi,jerbo jin vitar baš nije iša u prilog,ča oče reč bilo je ništo slabašnoga lahorčiča,a ovod di san bija za učinit slike bilo je par znalac,je,je,to su isti oni ča bi na utaknici zamisto trenera učinija ovako,oli onako,pa je bilo,a nima ništa od ove regate,vidi kako su posloženi oblaci,neče bit vitra,a onda kad se čutilo malo vitra bilo je,a ovo če sad malo zapuvat,pa če onda ojačat i naglo če stat,a kad ono nakon uru vrimena,ne da je sta,več je nosija sve prid sebon,a ja više nisan bija tote za čut stručnjake ča su sad oba vitru govorili,ali bilo kako bilo uvik kad se ništo događa jemamo stručnjake-promatrače sa strane koji najboje znadu kako bi tribalo,ča zna oni tamo koji je na licu mista-na brodu,bolje zna ovi ča ga gleda sa kilometra udaljenosti na kopnu,a zašto je oni iša tamo,bilo bi mu bolje da je iša vamo i sad če jemat problema i ko zna kad če do Mrduje doč,a ča je najgore od svega ti o kojemu su govorili je na kraju ispa pobjednik…
A je se u moru more svašta nač
Kad neznaju di če sa nečin, onda to itnedu u more,tako da se svake godine iz mora izvadi na tone i tone onega ča su nesavjesni u njega kenili,pa je tako pri niki dan Kurobasa izvadija jedan prometni znak prednosti prolaza i pažljivo ga odložija kraj one male kante za smeče koja se nalazi ispod opčine…
Otvori ...Niko nije protiv radov koji se u selo izvodidu,ali ne more se jedno napravljat,a drugo uništavat
Ako se bilo ko za bilo šta od radov koji se po selu izvodidu javi u opčinu,onda se more čut kako se radovi tribadu učinit,mi se strpit,a jesmo li uvik pitali kad če,a evo sad kad su,onda za svaku brontulamo… Ma niko ne brontula zato šta se radi,jerbo svi očemo i vodu i kanalizaciju i struju i …,ali pri izvođenju ti radov koji trajedu i trajedu, triba mislit i na…
Otvori ...Zar nije bitno da parkiralište za invalide bude i funkcionalno?
Navr anbulante jema dva parkirališna mista za invalide,a kako san ono nikidan vidija i pisa oba invalidu koji se iz invalidski kolici pribacija u auto,onda gledajuči ova dva mista navr anbulante,ovo livo do plakatjere nikako ne more zadovoljit potribe oni koji koristidu invalidska kolica,jerbo su crte od parkirališta toliko blizu temeljiman od ote plakatjere,da invalidi koji izađedu iz aute od ote plakatjere sa invalidskiman koliciman nikako ne moredu proč,pa bi…
Otvori ...Za one koji neznadu šta invalidiman činidu kad jin parkiradu na misto
A ima ji šta imadu ote potvrde,a sam Bog zna kako su došli do nji i šta je najgore,bezobrazno koristidu parkirališna mista koja su rezervirana za invalide,jer naravno i oni imadu naljepnicu da tote moredu parkirat,pa onda odskakuču do kojega dučana,oli kafiča i briga ji za one kojima su ota mista namijenjena. I dokle vi bezbrižno odšetate,parkirajuči na misto predviđeno za invalide,invalidi zbog vaše bezobzirnosti imadu velike probleme da bi…
Otvori ...Jeste li prigledali madeže?
Jučera i danas u Spliskomen Đardinu u organizaciji grada Splita,Spliskoga Crvenoga križa i Udruge Zdravi pod suncem,moredu se pogledat madeži,a to bi bilo poslin litnjega izležavanja na suncu,pametno učinit jerbo kako struka govori,kod nas,od npr.danas novootkriveni melanomi koji su kasno dijagnosticirani, kroz sljedeči pet godin,šezdeset posto pacijenat če umrit,pa Vas zato ništa ne košta poč i izgubit desetak minuti vrimena. Mislin da su danas tamo do jedne ure.
Otvori ...Turisti biciklisti u Sučurcu
E da su kojon sričon stacionirani u Sučurcu,niko se još nije sitija da bi se u selo mogle učinit kvalitetne biciklističke staze sa edukativniman odmorištiman,ča oče reč povijesniman lokacijan,bilo da su to brdsko planinske,oli gradske staze,a sičate li se kako su doli u Kaštila uz more još dvi iljade i osamnajeste od dvosmjerne ceste učinili jednosmjernu,tako da oni šta biciklon gre iz pravca istoka prema zapadu od Lukšiča do Novoga…
Otvori ...Pa dokad II?
Sičate se onega štramca ča ga je niko ostavija uza cestu,e u ova tri dana dobija je i društvo,najpri je niko uz njega meka jednu kesu sa smečen,pa kako to več u nas biva,vidija niko pa je ostavija drugu kesu sa smečen,a evo nakon tri dana,još fali jedna,za da bi bilo deset kes sa smečen. Ovo mi pari na onu,kad koko opizdi stinon u caklo od nike napuštene građevine,pa kad…
Otvori ...Je jin lipo
Je turistiman u nas dobro,lipo mukte boravidu. Kako mukte,pa biče bar kupidu štako spize,je ka i mi kad idemo na skijanje sa punima portapaciman teeč sa sarman.
Otvori ...
Komentiraj