Google
1,566

Ajduk to smo mi!!

Datum:November 22, 2014 9:05 pm
Comments
Komentiraj

Smišna mi je bila jučera izjava od onega iz Dinama da je Torcida ka glavni gazda naredila Ajduku da nesmi igrat.Njemu i svima takvima jedan put za uvik triba bit jasno da Ajduk nisu ni igrači niti uprava nego je Ajduk MI,Ajduk je ono sve ča se sinoč na stadijonu moglo vidit,a moglo se vidit od male dice u koliciman,do stariji koji jedva stojidu na nogan,bilo ji je ča su u lučicu privezali koču i u robu punu ljusak sa ribarskin čižman na nogan došli,a bilo ji je i u večernjiman toaletan,na štakaman su ljudi dolazili,u invalidskiman koliciman,bilo je tot svita ča nikad nisu ni bili na utaknicu,niti čedu kad ič jerbo ji balun uopče ne interesira,ali su sa svojin dolaskon rekli ča mislidu,tako da nije Torcida Ajduku naredila da ne igra več je to logičan slijed koji se triba dogodit. Zapametite jedan put zauvik ka ča san več u naslov napisa Ajduk to smo svi mi.

Znan da opet ne razumite ča san sad ja ovod govorija,ali sinočnji osan iljad svita ča je bilo na stadijon bi van to tribalo objasnit,jer ko u današnje vrime u tri ipo ure vrimena more mobilizirat narod i na jarpu skupit toliko svita? A šta bi bilo da nije vikend? Da je ovo bija četvrtak kad su svi doma ili da se znalo dan ranije odustalo bi se i od vikendic i od putovalji,izleti,ljubavnic…i bilo bi više svita nego u cilu sezonu od baluna na svima stadijonima zajedno.Čuja san sinoč priču,neznan koliko je točna kad su ova dva govorila da je ovi jedan ča se je ženija tija poč ča sa vinčanja na stadijon pa su ga jedva fermali.

Je, novac je bitan, jer se bez njega ne more,ali ovo šta se je sinoč u Splitu dogodilo nijedniman se pineziman ne more platit,ovo je “ono” šta je u svoji sto tri godine Ajduku bila vodilja tako da ga nisu uspili pokorit ni fašisti, ni komunisti,a bogami neče ni “demokratisti”,a da je oto tako dokaz su i razne političke opcije u ovemu gradu bilo one crne,sive,zelene,plave,crvene,žute,ljubičaste…šta se ne moredu dogovorit niti okolo toga di bi najobičniji kontejner smistili, kad je u pitanju Ajduk svi dišedu ka jedno. I zašto nan uvik govoridu da smo divljaci? I onda početkon devedeseti kad je Split prvi krenija isprid Banovine su nan isto tako govorili. I neka je Ajduk jučera napravija ono šta je napravija i da se mene pita opet bi to isto učinija pa neka nas turnedu u drugu ligu,a onda bi i ja ča mrzin balun vazeja pretplatu,a na otiman utaknican bi bilo još više svita nego ča je sad,pa svatija to ko ili ne ma je oto eto tako.

Ove doli slike i videjo je učinija @neno
Resize of IMG_6157

Resize of IMG_6156

Ispeci pa reci:

4 Comments add one

  1. LiliHip says:

    Meni nije smiješna,već žalosna izjava dotičnog gospodina iz Dinama koji je reknuo kako Hajduk radi kaos. Isto kao da je protekle dvije godine prospavao i probudio se u subotu u 15:00 da bi u 15:30 dao izjavu?
    Neka nas slobodno odmah izbace iz lige ima i stranih liga u kojima Hajduk može igrati,a oni neka se brčkaju u svojoj lokvi.

  2. mudrajko says:

    Nije on prispava nego mi svi tribamo kupit očale i to one šta nam oni rečedu da ji uzmemo
    Bravo za Hajduka i samo naprid.

  3. miritan i ja sta rec says:

    bravo samo naprid sljedece neka bude u subotu posli prosvjeda sirom otvorite vrata stadiona za navijace neka je zabrana

  4. ja mislim says:

    morate i nji svatit nije lako vidit da na stadionu u srid zagreba ima vise hajdukovih navijaca nego dinamovih odlicno napisano jedan od boljih tekstova koje san ove dane moga procitat

Komentiraj