Evo je izletila i ova godina daan i ovi petak je održana Noč muzeji,trinajesta po redu,koja je bila u sporskomen duhu,a največa gužva je bila u prostorijaman od našega Ajduka,to je bilo mašo,najpri se misto za parkirat najmanje dvadeset minuti tražilo,a unutra se lizlo puževin “korakon”,gužva uza skale niza skale,hodniciman se odilo utreso,a tamo di su ventrine od pehari su pojedinci skakali za vidit,jerbo od oni ča mislidu da samo oni moradu vidit, nisi moga doč na red,a tako je to bilo i odisprid Kupa maršala Tita,prelaznoga pehara od jednu sedamnajst kili čistoga srebra,kojega su Ajdukovci osvojili 1991 godine u Beogradu di su sa 1-0 pobijedili crvenu zvizdu,u vrime kad je rat kuca na vratiman,tako da se ovi pehar naziva i ratnin trofejom,a kad su ga donili u Split onda je netragon nesta,pa se danas o tomen moredu čut razne priče,kako je pehar bija vamo i tamo,pa čak idedu toliko daleko da se sakriva i u groboviman,jerbo je ondašnja služba bezbednosti svakako tila doč do pehara i vratit ga u Beograd,ali nisu uspili, za da bi 2008. godine oti pehar u prostorije Ajduka opet donija Juko Strinić, nekadašnji ekonom Ajduka i eto, danas stoji u ventrini na počasnomen mistu,a nisan ga triba puno iskat,ka ča san gori napisa,največa gužva je bila baš na oto misto,a pojedinci su se tote betonirali ka da jin je didovina,prova san aparaton od ispod,sa strane,odozgara,a oni selfi vako,pa selfi nako,pa onda sa cilon familijon,bilo je tote karbe,guranja,svi su tili u prvi red,a ja gledan caklo iza kojega se pehar nalazi,nima brisača,a na caklu nima pljuvačke,pa onda gledan ove hostese sa strane,siguro svako malo dođedu sa krpon i otaredu caklo? nije,ko bi reč,vrlo čudno,s obziron da je oto titov pehar?nego se još guradu i svađadu za učinit šta bolju sliku sa peharon u pozadini?
A ča sve tote jema pogledajte na slikan,iako naravno,od velike gužve i kratkoče vrimena nisan uspija sve ni zabiližit:

Muzej Suvremene umjetnosti:

Stara graska Viječnica-Pjaca: