Google
289

Pogledajte kako je Torcida sa koreografijon prikazala pobjedu nad dušmaninon

Datum:August 5, 2019 6:05 pm
Comments
Komentiraj

Svi pričadu o jučerašnjoj koreografiji ča ju je na utaknici o Ajduka učinila Torcida,ali je zanimljivo ča ji tri dila to nikako čudno objašnjaje,a evo ja ču ča san jučera bija tamo, Vama ča niste,provat,kako je to bilo, objasnit.

Odma na početku triba naglasit da je to bila jedna,pa mogla bi se reč najbolja koreografija i to ča se dosad mogla vidit ne samo na Poljudu,več u ciloj Hrvaskoj,a bila je prilično zahtjevna,a da je to stvarno bilo tako moglo se pročitat na društvenin mrižan di je Torcida napisala upute ča bi oni koji dođedu na sjever tribali u datomen momentu učinit,a dokle mi je čer oti naputak čitala,bija san skeptik da če to kako triba uspit,a uspilo je,učinili su cilu priču koja je trajala više od deset minuti,od napada dušmanina na Hrvasku koju su rascjepkali,pa do istjerivanja neprijatelja iz naše zemlje… A uspili su ništo nemoguče,puno režiseri bi nikoliko dan pri kose čupalo,a ovo je napravljeno bez ikakvi generalni provi.

Ali amo ča po redu,odma na početku drugoga poluvrimena vođa navijači priko razglasa uz pomoč kojega vodi navijanje počeja je sa uputan ča ko i kako triba činit,pa su se tako u zrak podigli kartuni,crveno bilo i u plavo opiturani,ali odma se počelo sa pljucanjen,ma vidi, nisu u stanju ni trobojnicu kako triba učinit i ča je,je,čudno je to sve skupa izgledalo,tamo u livomen kantunu od te koreografije ča bi tribala bit zastava,a nije bila,jerbo je sve parilo ka iskomadano,držali su nacrtanoga vojnika sa bazukon u rukan,i najedan put iz kantuna od pravca istočne tribine,ide ništo sivomaslinasto nacrtano,a ča je ovo,a na sebi je jemalo jugoslavensku zastavu sa zvizdon,a kad je oto došlo do sredine,čula se jaka eksplozija i vidila se baklja sa kojon je jedan trča do otega sivomaslinastoga sa jugoslavenskon zastavon,pa kad je doša,najedan put je oto sivomaslinasto proguca crni dim i oto ništo je nestalo,a nakon toga se počela popravljat i trobojnica,sad je oni višak bilo opituranoga nesta,a gornje,crveno i donje plavo polje se za više od polak popunilo,ali opet to nije parilo ka zastava,ljudi su pljeskali,iako večina još uvik nije razumila priču,ali sad kad se sa istoga mista,ka i prvi put opet pojavilo oto ništo sivomaslinasto opiturano,obiliženo jugoslavenskon zastavon,ča je ustvari bija tenk,sad više niko nije gleda u utaknicu,sve oči bile su okrenute prema Sjeveru i čekalo se šta če se sad dogodit i opet je grunila explozija i iz pravca onega kantuna di je bija Hrvaski vojnik sa tronblonon oli bazukon u ruci,prema tenku koji je bija pri kraju trobojnice,trča je jedan sa bengalkon,a jema je lipu rutu za pritrčat, kroz gomilu navijači koji su navr sebe držali kartune,a sad kad je večina na stadijon svatila priču i vidila da je ota beglaka ustvari granata, koju je Hrvatski vojnik ispalija iz tronblona,sad je to na stadijon bila sveopča euforija,navijanje i skandiranje je sad bilo usmjereno na Sjever,a kad je oti sa bakljon doša do otega tenka i ovi ka i oni prvi nesta u gustomen dimu i nakon čega je sad oni višak bili kartuni pocrvenija i poplavija,a naša trobojnica više nije bila rascjepkana,šta je značilo da je dušmanin protjeran i kad su sa dna počeli dizat Hrvatski grb koji je ponosno zauzeja sredinu trobojnice,a natpis u dnu zastave “MENE ZOVE DOMOVINA”,zaminija novi,”SLOBODNA ČEŠ OSTATI” i zavijorile zastave gardijskih brigada koje su izvojevali pobjedu u Domovinskomen ratu, na stadijonu je nasta opči urnebes i oduševljenje koje odavna nisan vidija,a onda se iz šesnajst iljad grli zaorilo,”Poljubi zemlju po kojoj hodaš” “Moja Domovina“…

I šta drugo na kraju reč nego, bravo za Torcidu,odlično osmišljeno,vrhunski odrađeno!!!!

An pače,zaboravija san napisat,kako je Ajduk tuka Lokomotivu sa tri nula,a treči gol je pa taman kad se Hrvatski grb podiza prema gori.

Ispeci pa reci:

One Comment add one

  1. miritan i ja sta rec says:

    E jesi ga opisa ista milka babovic

Komentiraj