Google
5,404

A je li ovo Starčevičeva ulica dobila biciklističku stazu?

Datum:August 31, 2013 9:48 am
Comments
Komentiraj

Jučera su tamo di ja stojin, točnije u Starčevičevoj ulici, oli ti ga putu prema ex pilani ili po najnovijemu tamo di se gre za tehnički pregled po srid ceste povukli bile rige.Jema brzo če skoro pa četrdeset godin da se je ova ulica napravila i to ono ča se reče po peesu jer su se u nju najpri mekle cijevi za vodu,pa za oborinsku odvodnju, pa položija kabel za vanjsku rasvjetu i stavili kandelabri i meka korniž za pješake i zalilo se asvalton da bi evo sad dobila i rige ča je dilidu na desni i livi krak. I sad to više nije put oli ulica nego pari ka prava cesta koja na početku u prvi pedesetak metri jema čak tri trake tako da ona južna po svemu pari ka da je traka za bicikliste i rolere. Ka je da se nakon jednu pedesetak metri oti trak naglo gubi prema kantunu od kuče ča se tot nalazi,ali nema veze bitno je počet, pedeset metri pedeset metri,a za jenu miljun godin če bit i pedeset kilometri,pomalo nije priša. I lako ča se ota riga naglo prikida i gre do te kuče uza cestu nego se i ona srednja riga isto tako naglo prekida tako da zanji jednu dvista metri ulice uopče nije označeno, e sad je li to radniciman nestalo piture, bližija jin se kraj radnoga vrimena pa su tribali poč doma i opet če se to u ponediljak nastavit vidit čemo. Ne bi tija virovat kuolarskin pričan koje su odma počele kolat da če se jedan dijal ulice sa vertikalnon-horizontalnon signalizacijon i ostalin čudiman tretirat na jeda,a drugi dijal ulice na drugi način. A reka je oni vidi če mo,vrime če pokazat pa če mo bit pametniji.

Evo ovo je početak ulice sa tri trake,dvi normalne i jedna uža. Nema ča drugo bit nego biciklistička staza

A ovde se crte naglo prekidaju

Ispeci pa reci:

One Comment add one

  1. mudrajko says:

    Falija si.
    Nije to biciklistička staza nego traka za spore aute.

Komentiraj