Pri deset daan san napisa kako onu rupu ča se otvorila u Rimskomen putu nisu zakrpili po zanatu,onako kako bi to tribalo,pa danas to izgleda ovako:
Ti asvalat ča ga je nabacalo do sad je ulega cili sedan ipo centimetri,a dužina otega kratera je sedandeset i osan centimetri i tribalo bi ovo odma,onako kako triba napravit,da se ne dogodi zlo.
A ovako san to nikidan oba ovomen napisa:
naslov
Evo su zakrpili
Postavio:adminDatum:July 31, 2021 3:44 pm
Onu rupu na Rimskomen putu su zakrpili,ali sad mora uslijedit ono ali,koliko se ja malo,ali saaamo malo razumin,ovo se nije učinilo kako triba,ne more se podlokana rupa samo zatrpat i bacit malo asvalta,pošto se zna kako je ovo “trusno”područje,jer je na ovo misto več nikoliko puti pucala cijev,a zanje pucanje pedesetak metri uzgor ča je bilo pri dvadesetak daan,je najvjerovatnije i uzrokovalo ovo propadanje jer je dijal sadržaja teka vanka po putu,a dijal je iša kanalon ispod zemlje di su položene cijevi,tako da je ovde tribalo raspilat najmanje kvadrat asvalta,možda i više,nasut materijala,dobro ga sabit i onda bacit asvalat.
A možda ja krivo mislin?
Aha,kako nije.
Komentiraj