Google
294

Aj učini štako,aj učini štako

Datum:September 15, 2020 12:12 pm
Comments
Komentiraj

IMG_7431

Znate doli na Sokolanu di izlazi ono vode iz Vodovoda u more, pa me zbog toga cilo lito vučedu po selu za rukav tako da su mi od kratki učinili duge,jerbo da se zbog toga potoka nije baš ugodno kupat,ni usrid lita,a pogotovo sad,kad lito pomalo gre ča,ali se još uvik moreš kupat i znate kako san jema dvadesetak daan tamo izmirija tenperaturu u pličaku od petnajst stupnjev i da ne ispadne kako san, evo kad me izabralo na niku vunkciju, sad i ja diga ruke od građani našega sela,briga nji ča je HDZ jema šest miseci blokira rad Mjesnoga Odbora,građani našega sela očedu da se njiovi problemi rješajedu,jesi li tija u MO,eto te tamo i nemoj sad i ti ka i oni do sad,učini čako,ajde pak,a je,jemate prav i nakon pusti kritik odlučija san sve učinit ča je trenutno u mojoj moči,pa san se razletija okolo iskat “ronila”,a nije ji baš bilo lako nač,jema oni ča ga doma ljubomorno čuvadu da su ga jedva iz ruke ispustili,bilo je povuci potegni,ali kad su čuli za koju je plemenitu stvar,bez problema su dali,ma je bilo ono,čuvaj ga ka oči u glavi i nemoj da mu se čako dogodi,e i tako san ja ota ronila meka na izlazu di ota voda iz vodovoda ulazi u more da je odma tote stepli,pa da više ne bude smrzavanja u moru i slavanja kvragu kako niko ne obada i ne rješaje probleme građan od našega sela i ako me možda u budučnosti vidite na kojoj listi sitite se kako vodin o Van računa i nemojte me zaboravit zaokružit.Bilježin se sa štovanjen. 😀

IMG_9672

IMG_9673

IMG_9674

IMG_9677

IMG_9680

Šta je ronilo? A to van je kad nije bilo bojleri i makinj za prat robu,bija glavni artikal u kuči,jerbo se sa njin teplila voda.
Zašto ronilo? A zato jerbo bi u maštijal ulija vodu,a oti grijač uronija u nju da je zgrije.

Facebook Comments

Komentiraj