Evo na,proša je evo i četrnajesti po redu Mašokarič.Naravno, kako to več u našemu selu biva,dokle se “oni jedni” sa ovon utrkon od karič izrugijedu,a jema i oni ča se tote nikako ne smidu pojavit.Na ovi događaj zna se skupit i okolo sedansto osansto svita,dok novinari, fotoreporteri,kamermani,…, bude ka u priči,(npr. RTL je to meka u svoj dnevnik), a sve skupa dokle prvi dođedu na cilj traje okolo sedan minuti,koji put i manje i onda se čovik mora zapitat kako se to za utrku kariči u selo, za ništo ča traje sedan minuti more skupit ovoliko svita?Ali, nima tote upitnika,ustvari jema za one ča san o njiman gori pisa “oni jedni”,ka i za one druge ča se tote ne smidu pojavit.