A ča bi sad tili, da se i ja natječen u disciplini, ko če dalje pljunit?
A kad neču.
A ovo ča se ove dane po selu more čut je ono,krajnji debilizam,pa se tako nadodaje i oduzima kako komen ča padne napamet,a nikako da jin dođe do mozga,da je ova Korona bolest ka i svaka druga,naravno,triba se pazit,držat higijenu-prat ruke i sto puti ako triba (a kad čete po selu osposobit funtane?),ovo je bolest ka i svaka druga i svako od nas je more skupit,pa ma koliko se pazija,pa mi nije jasno da sad razapinjedu ovega ili onega,a krivnju se kenda od jednoga prema drugomen. U ovakviman situacijan iz ljudi izvire ono najgore,a ja neču o tomen puno,samo malo i otiman bi reka da malo poviridu ča je Isus o tomen govorija,možda nečedu baš na guglu nač,pa je momenat da vazmedu ono ča jema prednju i zadnju koricu,a između nike listove pune slovi i kad pročitadu,bar na momenat pokušadu bit ono ča očedu sviman prikazat da su,ali nisu.

Inače, zbog novonastale situacije u našemu selu procesije užežin Velike Gospe,neče bit,a tradicionalni koncerat klape Podvorje šta bude na Velu Gospu uvečer,neče bit održan,kako mi je reklo,ne otkazuje se,več odgađa,a o razvoju situaciji če ovisit oče li i kad če bit.