Jema več sedan daan da je sjeverno od anbulante sa zapadne bande meklo plastične stupiče da se tote više ne parkira,a ja san malo pričeka za vidit ča če svit na oto reč,a bilo je razni komentari,od oni da triba zelenilo sačuvat,ča su u manjini,a i tri dila nji,uopče aute ne vozi,pa do oni kako triba mislit na stare i bolesne,di češ,kad dovedeš koga starijega,a moraš ga šotobraco,da se ne iskrene,do anbulante vodit,autu ostavit,puno nji pri tome ne razmišlja,več ga ostavi neznan di,neka zna da če kaznu zbog toga platit,je da jema gotovani,ča bi i u čekaonicu sa auton ulizli,ali takvi su,sriča u manjini,niko u anbulantu ne ide iz obijesti,več zbog potribe,a potriba je i za parkirališniman mistiman,a svi znamo da je to okolo anbulante pravi kaos,evo,večina se složila da ovo di bi se do sad aute mečale i zbog toga stupe mekli,bi izravnali istok-zapad,za dužinu aut,tako da bi od sjevernoga zida anbulante,pa do ovega zida kraj ceste,jedna do druge,bar nji šest stalo,a oli je to ča,a nisu u manjini ni oni ča predlažedu da se,ka i ča su u Staromen sa sjeverne bande od anbulante napravili,ča je bilo,potaracali i parkiralište,učinili…

Prije:

Sad: