Malo je čudno za objasnit tamo isprid pazara,je li ote crte ča ji je učinilo znači,da oni koji mimo oti crt parkira riskira da če zbog toga dobit kaznu ili…????

U selo su ote rige za parkiranje učinile zbunjozu,jerbo se ljudi pitadu,pa ča sad kad su tote rige,ča nisu onda u cilo selo za parkirat aute, izrigali,jerbo ovako je to vrlo čudno…????

A da je bilo sad sa znakoviman objasnit “ča je pisac tija reč”…????

Ovo sa pješačkin prema staremu kanpanelu je priča koja je stara pa biče i četiri godine,kad san na Mjesni odbor oto pridložija,tako da ne stojidu priče koje koladu selon…

A za ovo pješačkoga prilaza ča je učinjen tamo ispod Bobisa,ča se je u ovi dan ipo u selo besid izgovorilo,moga bi lipu literaturu učinit,ali zbog količine grubi besid i slični dosjetki,bi tribalo na nju meknit ono znaka da nije za mlađe od osamnajst godin…

Ok,svi znamo da je oto zebre jema puuuno godin, na to isto misto bilo nacrtano i više se nije uopče primječivala i zanimljivo,sad je to ponovljeno?

Lipo da su se sitili oto zebre učinit,jerbo ljudi tribadu nigdi prolazit,ali je li oni koji je reka da se tote učine zebra,bija na licu mista i vidija da pješaci koji priko nje priđedu cestu,dalje moradu priko travnjaka-zelene površine prolazit,za da bi doli na šetnicu uz more došli????

Niko ne dvoji da bi tote tribala bit zebra,jerbo zebra služi za da bi pješak bija siguran pri prilasku ceste,ali u ovome slučaju oti isti pješak kad od sjeverne strane priđe na južnu,ima problem,jerbo ako ne želi prilazit priko zelene površine,mora niko vrime odit ceston kojon gredu aute,za da bi doša do šetnice….????

A da sve bude onako,po peesu,tribalo bi sa južne bande,tamo di zebra gre put zelenila,izbit coke koji su visoki okolo desetak centimetri i oto popločat-betonirat,za da bi zebra na otemu mistu jemala smisla.

A mogla se ota zebra i ukoso,prema jugo zapadu, učinit?