Google
942

Klapa Podvorje u Gospojskoj štradi

Datum:August 16, 2018 11:50 pm
Comments
Komentiraj

Tradicionalno,evo več osmu godinu za redon,Klapa Podvorje u Gospojskoj štradi je za Velu Gospu učinila koncerat.Kad san ji sinoč iz daljine dokle san dolazija čuja da pivadu,(jerbo smo ka malo okasnili)nikako mi se parilo puno drugačije nego ča je to do sad bilo,je da san odma ubra kako je ovi put razglas bolji,ma isto san čutija da jema i glasovni promjen,a onda san vidija da je tote još jedan tenor (prvi tenor) ča ga do sad nisan čuja ni vidija,pa je to sad sasvin nika druga priča.

E,a ka gosti su jin bile ženska Klapa Neverin i ženska vokalna skupina KUD-a Putalj-Kaštelanke.

I nakon ča san lani malo kritizira rasvjetu,ove godine su opet ka i prilani zidine bile svjetlosno opiturane,ali izvođači ka ni lani nisu bili dobro osvitljeni,jer su činili jedan drugomen sjenu,jerbo klape nikad ne stojidu u ravnini,več su uvik u polukrugu,a ovi bili reflektori tukli su samo iz jednoga kantuna i zato je bila sjena.

Ispeci pa reci:

Komentiraj