Deseta ura je zvoni mobitel,a ča je,di si,selo nan pliva u govniman,a tebe nima?
Asti,a najbolje da dignen šator doli na Rivu i dežuran.
Ajde dolazi. Evo gren.
I dolazin doli,a jeman ča i vidit,a odma su me dočekali da neš ti otoga ča sad izlazi,a da san doša samo po ure pri to su komadi ovoliki izlazili (pokažijedu rukan).
Ma ovo više stvarno nije normalno,jema več evo sad u prvi misec,četiri godine da je gotov kolektor ča ga je meklo u Novi put i do dana današnjega je suv,kako nan je reka oni ča je za kanalizaciju u Kaštila,niko se još u njega nije spojija,a i ka ča san to pisa u deseti misec kad smo ja i Željan bili kod gradonačelnika,na naše pitanje kad če se ovi problem napokon riješit i u ovi kolektor koji je lipo košta,napokon spojit svi oni ča bi tribali, on nan je reka da za oti problem zna i da čedu ga svakako riješit,govorija nan je bija o nikoj zakonskoj regulativi koja je jema par miseci stupila na snagu i inspektoru koji bi po tomen triba skoro počet radit i da ovakvi problemi više nebi tribalo bit.

A evo kako to lipo izgleda,šteta šta se ne more i miris prinit:

Inače slike ovoga danas mogle su se vidit i na Fejsu,a isto tako i na portalu Dalmacija Danas di je uz slike bija i videjo.