Od Mjesnoga Odbora nikakve vajde,a i odit u Gradonačelnika više nima smisla (ovisi s koje bande gledaš) i nima druge nego ču ja nastavit pisat “laži”,to jin je kako vidin puno drago,pa da me lipo moredu tužit i na oti način provat udunit.
Koliko puti su me u selo zaustavili da ča u Mjesni Odbor ne rečen o ovomen mistu u selo di je bila stara stanica od Duje,a di se sad ostavljadu aute na način da se puno puti ni ja fičon ne mogu provuč,a nedajbože u slučaju potribe o vatrogasnoj auti nečemo ni govorit,vidili smo nikidan u Split kako je to bilo,pa evo ja sad i ovde govorin da bi napokon bilo lipo tote nacrtat rige pa da se to dovede u red,reče koko da če se opet nač koji pametnjakovič i izvan oti rigi parkirat,a onda prometni redar otakoga triba ošinit po žepu pa mu,a kasnije kad se pročuje i oniman ostaliman,više oto neče past napamet i još na kraju,triba maknit ona dva znaka na kojiman je nacrtano da je to misto za meknit autobuse,jerbo su po tomen svi oni koji tote ostavidu aute u prekršaju,jerbo je to ka i dalje autobusna stanica.
I na kraju po selu se govori i o tomen kako je vlasnik otega prostora možda ovi ili oni,nije sad bitno koji,ali je vrlo bitno da se ovi prostor stavi u kvalitetnu funkciju i da se spriječi bilo kakva mogučnost da ovakvi nered bude uzrokom nekakve moguče tragedije.