Google
8,726

Plaža na Sokolani zamalo pa pari ka ona na Zlatni rat

Datum:June 10, 2014 6:39 pm
Comments
Komentiraj

Ajme meni ča su me satrli ovi par dan od kako je bager započeja pa onda iša ča i ostavija ono doli bidne plaže na Sokolani još gore nego ča je bilo. Udrilo po meni sa svi stran,a ča je a,ne pišeš više o onomen a?sliza se i ti š njiman a? ajde kvragu ti i ko se sliza,a ča ču pisat kad mi je čulareklakazala da čekadu da malo kala more pa čedu se onda uvatit. A je,je kalat če more, prvi je misec pa če na po metra kalat ruga se ovi. A koliko kala dobro je kalalo i ovako se dok bager radi uzmulja i ništa ne vidi,a vako kad je pod moren još manje,a i ti bi da učinedu posal nako kako triba,a ne kad učepiš u more da na koji komad betona ča je osta raskidaš nogu i onda bi bilo jebenti onega koji je bip.biiip. Znaš ča, uvatija se ovi opet, eno su sve plaže doli po Kaštiliman uredili,a ova je godinan evo vaka. Ajme ča si ti smišan,a ne moredu nikako sve od bote napravit i mora jedna ostat zanja,a to ča je baš Sokolana ostala zanja je siguro puka slučajnost. Je vražju mater slučajno,ništa nije slučajno sve je… i taman da če nastavit eto ti bagera kako gre prema Sokolani i zamisli di če nego na plažu i evo ga danas je plaža osposobljena komadi betona su pod budnin okon Slobe presjednika od naši ribari meknuti kako je reka tamo na južnu bandu do ono šetnice tako da je drži da i ono malo ča je još ostalo ne odleti u more i lipo su kasnije to sve prosuli žalon milina je gledat,a i ovomen je bilo drago pa je zasad umuka.

Ajmeeee,a da samo znate kako je to sad lipo za vidit.

Ispeci pa reci:

15 Comments add one

  1. LiliHip says:

    “Da samo znate kako je sada lijepa za vidjeti” “Zamalo pa izgleda poput plaže na Zlatnom ratu” Da-li ja dobro ne vidim? Gdje su fotografije kako plaža sada izgleda?

  2. neno says:

    eno je niko meka na fejs 3 slike kako je sad

  3. mudrajko says:

    Lilihip kad budeš iša u okuliste javi se i meni ne vidim ni ja slike

  4. pechina says:

    E oču oču kako neču po zvizdanu poč sad slikat za da bi vas dva gotovana klikon miša to mogli vidit. Koga interesira neka gre povirit.

  5. neno says:

    još nisi meka slike uređene sokolane?

  6. hopelina says:

    😉 pechina, a šta ti misliš da samo njizi dvojicu interesiraju slije Sokolane 😛 daj slike više :))

  7. hopelina says:

    :) fala ti neno 😉 ma ke Zlatni rat – Copacabana brale!

  8. pechina says:

    A šta san ti ja reka.A šta bi tek bilo da je @neno to slika kako triba?

  9. hopelina says:

    :) a jel meni more iko reć zašto se ta plaža ne proširi na onaj plićak koji je najbolji u cilin Kaštilima, a nema pristupa za u more?

  10. neno says:

    koji plićak? ono između same sokolane i tvornice? to su okupirali brodovi, tu se planira lučica, a pitanje je i ča je tvornica sve tote puštala dok je radija klorni pogon.

  11. pechina says:

    Jesu @neno okupirali brodovi zanji par godin jeman ja na slike ča su učinjene jema sedan osan godin di se vidi da ji nije bilo, vidi mene da se vidi ne vidi ji se jer ji nima,a po pričanju naši stari cila ona površina di je jugovinil je bila plaža od savure. Dobro si ti @hope pitanje postavila,a pošto smo svjedoci da je naše selo zanji godin ča se tiče turisti doživilo expanziju i svaka godina je iljadu posto primašena u odnosu na onu prošlu to znači da če Sučurcu u budučnosti na plažama falit mista.I@hope moran ti reč da su ovakva razmišljanja poput tvoga sve glasnija i ljudi govoridu da je ovo mašo kako turisti sami dolazidu u Sučurac i da bi mi tribali dobro razmislit o tome ča napravit pa da ove zadržimo i da za njima dođedu drugi i na kraju bi reka da i mi Sučurani zaslužujemo imat turiste. Do sad smo jedini mi bili crna rupa na cilo ovo područje uz more i sad kad nan se otvara šansa i mi Sučurani ka i ostali uz more moremo zaradit koju kunu nemojmo ono ča se reče to sad prokockat.

  12. neno says:

    a ko brani turistiman plivat okolo brodi ka ča plivaju oko nji na gojači. samo neka se ne penju i ne skaču sa nji. 😉

  13. hopelina says:

    :) neno, ne smetaju toliko brodovi koliko vlasulje koje su samo na ulazu. A tvornica šta je ispuštala, to je i na onon drugom dilu – po tome se ne bi opće smilo kupat na Sokolani. A mislin da bi bila korisnija domaćin za picigin neg turistima koji uglavnom plivaju 😉
    Znan i za tu lučicu, ali dok to bude…eh! A zamislite sad tu plažu; dijal sa pijeskom, dio sa šljunkom, a ono namo ko oće drito zaplivat… a da je bilo nać koju sliku iz tog doba,a pechina?

  14. Viki says:

    …sad san vidila Nenine fotke…Ma uvik ovako izgleda liti, ovo su samo poravnali ono šta se priko godine izbuca od valova i vitra. Bar je prošlo lito ovako izgledala(iman negdi fotke, tlaka mi sad kopat).

    Enivej, Hopelina, idemo skoro ode stare kosti odmarat(nadan se da radi birtija na Soki, da moren digdi kavu popit).

Komentiraj