Pitadu me da kako ništa nisan napisa oba ovoj čudnoj prometnoj situaciji u našemu selu,a beren zanimljivosti,ko ča jema za reč,a ča se tiče pisanja,jemate razne mogučnosti,internet je pun društveni mriž,pa jemate di,ali ne vidin baš da …,ali nema veze,evo ču ja.

Ovde u selo,ča se prometa tiče,svak radi šta ga volja,svi vozidu onako kako jin padne na pamet,iako npr.od stare,put nove anbulante,po nacrtanoj strelici na cesti,sad jemamo jednosmjernu ulicu i dalje se bez problema ide vamo i tamo s tin da su oni koji idedu od nove,put stare anbulante u prekršaju,a kako,a lipo,jerbo je tamo kraj stare anbulante na asvalat nacrtalo strelicu koja gre put nove anbulante,e, a sad gre ono famozno (ali)kako če ovi ča gre iz pravca nove anbulante, znat da nesmi odit put stare anbulante,jerbo nima nikakvoga znaka koji bi ga na oto upozorija? Pri koji dan stojimo nas troje kraj starega kina i jedna šinjorina sa auton dolazi iz pravca nove anbulante i kad je došla na račvanje kraj stare anbulante,stala je lipo vrimena i gledala di če,tamo put Varoša ne more,jerbo je novonacrtana strelica usmjerava prema tamo odakle je i došla,doli livo u ulicu kraj kina,opet ne more,jerbo je tote znak zabrane,spustila je ponistru,pa govori,da nije odavde i da nezna di bi sad mogla proč,a govorimo mi njoj,kako mi jesmo odavde i da isto ka i ona neznamo,di bi i ča bi tribali činit…

I sad ide ono zanimljivo,jema,sad če i petnaest daan,da su učinili zanje rige i onda se najedan put stalo,turnilo je u javnost da se ravnamo prema novonacrtanoj horizontalnoj signalizaciji-strelicama i crtama na cesti,a sad amo vako,prema strelicaman koje su učinjene na cesti (ispod knjižnice i navr stare anbulante)more se samo put istoka iliti ga nove anbulante,a sad opet ide ono famozno ali,odakle bi iz pravca zapada auta mogla tote doč,jedino iz Varoša,ali iz Varoša ne more doč,zato jerbo je,kad uđeš u Varoš,na račvanju livo i desno,na livoj strani znak zabrane,kako se put tamo-istočne strane (stare anbulante) ne smi odit.A po tomen sad trenutno,od nigdi u onu ulicu, di je bila zadruga,ne more se nikako proč…?

Dakle u ovi zanji petnaest daan je u selo jedan veeeliki prometni cirkus,ala komedija,za koju se nadamo kako neče prič u tragediju,jerbo nedorečena priča sa horizontalnon i vertikalnon signalizacijon- znakoviman u prometu ne more ništa lipo donit i moremo se samo nadat da če se ovo u roku odma riješit,jerbo je situacija,kad vidimo koje se makakade po selu zbog ovoga,autan radidu,ma kako izgledala komična, prilično ozbiljna.

A sad o još malo nelogičnosti,ovima noviman rigama,kako pričadu ovi ča u selo stojidu,lipo se parkirališni misti izgubilo,evo npr.ovde se vidi na slikaman kako je išpartalo rige da se tote aute ne parkiradu,a vidi se di je kraj od pune crte i da aute bez problema tote moredu stat…?

Ne bi ja sad ovde tija nikoga strašit,ali po ovoj prometnoj studiji-elaboratu,po kojemu su se ove rige počele crtat,šta se parkirališni misti tiče,još nije gotovo,jer ako nastavidu,po onemu ča tamo piše,ima još posla…

A zanimljivo je i ovo parkirno misto koje je nacrtano nasuprot kina,jerbo se zna kako je tote ulaz u garažu,neznan je li unutra još uvik oni crveni Golf dvojka ili koja Buba,šta su se tote renovirale…?

Pa se ljudi pitadu,je li se ovde, di su iscrtane crte,sa strane ceste,a nisu nacrtana parkirališna mista,more ili ne more parkirat?

Ili npr,ovde u ovoj jednosmjernoj ulici, di je sa sjeverne strane puna crta i stoji ovi konbi,se more ili ne more parkirat?

A o nelogičnosti ove zebre ča je pri puuuno godin prije bila,koja duugo nije obnavljana,a sad opet iscrtana,san več pisa,vrlo čudno kako sa južne strane zebra završava prema…,ma vidi na sliku…

A imamo i situaciju na cesti kraj Mula di su suzili trake,tako da se po nacrtanomen,jerbo je usko,dvi aute normalno ne moredu mimoič,je da san ja odavna položija vozački,ali ovako ništo nismo učili,jedino ako se u međuvrimeno ništo nije prominilo? Zar tamo di imamo neko suženje,di se dvi aute ne moredu normalno mimoič,a ulica je dvosmjerna,vertikalna signalizacija,sa crveniman i crniman strelicaman nebi tribala pokazat ko ima prednost pri prolasku…?

Ovde vidimo kako se sa oviman trakama priko znakov pokušalo,nikako, od nereda učinit red…?