Bila je to večer za pančenje,jedna od bolji fešt do sad,ako ne i najbolja,sve pofale organizatoru,vodili su računa o svakomen detalju,čak su obavijesti o ne parkiranju aut na tome području,znajuč da tu stojidu i stranci,za nji te obavijesti bile napisane na ingleškomen,a i jedan ne tako zanemarujuči detalj,jer se radi o nečemu vrlo važnomen,ovo je prva fešta da se koko sitija meknit one plastične zahode,pa smo onda sinoč u selo po prvi put jemali pečenoga vola,kad su ga mekli na ražanj bilo je odma,ma vidi ga tolišni je,ovo nije vol,več mu unuk,a kaki je bija za jist neznan,nisan prova,ovi jedan dokle smo se spuštali u selo,a nisan baš siguran da ga je jija,nego je pari mi se, samo tija ispast duhovit,reka,da isto ka da jiš gumu od Fapa,a ovi drugi ča smo ga vidili da ji je reka,da je baš lipo ukusno,a uz to je još bilo i pizdic,rižota sa kozican,spize sa roštilja…

A naravno,za pravu zabavu,moraš jemat i prave zabavljače,a organizatori ove lipe večeri pobrinili su se da i to bude nešto do sada na Sučuračkiman feštan, ne viđeno,a za to su sinoč bili zaduženi GUSTAFI,koji su u svoje dvi ipo ure neprekidne svirke sve prisutne držali u ritmu,oni ča nisu plesali,gingali su glavon,cupkali nogon,držali ritam rukon…
A kad su završili GUSTAFI onda je opet,ka ča je to bilo i na samome početku večeri,prisutne zabavlja Dj.Škiljo.

Pravo za Sučuračke planinare,pokazali ste sviman kako se činidu prave fešte.
Naravno, bila je i lutrija,a ovi ča je dobija tortu,jučera mu je bija rođendan,pa su ga kolegice i kolege planinari sa njon ugodno iznenadili.