Google
3,148

Uskršnja jaja

Datum:March 25, 2013 11:26 pm
Comments
Komentiraj

Ma nisu ono bila jaja od dinosaura,a sigurno je oni kad je danas govorija laga da je u selo vidija Spilberga.
Ono su dva jaja šta čedu krasit našu rivu u ove blagdanske dane okolo Uskrsa. Skupilo se danas okolo oti jaj puno svita i ka po običaju nije moglo proč bez peceti.Asti govori ovi jedan, a očedu Bruslijevi našega sela večeras jemat di vježbat,a močedu i voleje činit,vidi onega maloga ka stvoren ono za lipo ga uvortat,da bi se ovi treči javija, nečedu uspit jerbo ako pune ono bure ča je zovedu da bi tribala odletičedu oba sve tamo do Slatin. Bilo kako bilo jaja su tot di jesu i sad ji je tribalo učvrstit onoliko koliko se to more da se ne dogodidu razna predviđanja žalosni sov tako da se u zemlju jednu sedandeset centimetri zabilo bokun tondina koji bi oto jaje (veče) tribalo držat. I uvatidu ti se ovi ča su ga montirali oto tondina tuč u zemlju kad odizad nikoga kantuna čuješ ne, ne ,neeee,a šta ne? a tot doli su ti cijevi od zalivanja trave trče ovi i maše rukan i nogon miče poklopac od vode i kažije cijevi. A dobro, a reci ti nan a di te cijevi gredu pa da ji ne pogodimo? A neznan ti ja di gredu,znan samo da su tot,a pa ča si nan sad pomoga? Moramo zabit tondin ti si doša da pazimo jer su tot cijevi,ti neznaš di su cijevi,a mi tondin moramo zabit i ča čemo sad? Ne znan ja ništa ja san van lipo reka da su tot cijevi o zalivanja tako da znate. A je lipo si nan reka,zamisto da si nan reka di prolazidu da koju ne probijemo samo si reka eto san ja reka i to je to ajde lipo i ti i ča si ti reka.I nakon nikoga vrimena jaja su se mekla na postolja i krenilo se sa pituravanjen,a pošto je počela kiša onda se je meklo veliki suncobran tako da ne opere pituru. Prva je imala čast dijal jaja piturat mala Dobrička, jerbo če ova dva jaja sve skupa pituravat pet Kaštelanski umjetnika onako kako oni to zamišljadu da bi tribalo bit.Ali, ovi popodnevni potop upropastija je cili posal,razlija je cilu pituru tako da če sutra ako učine vrime najpri jaje tribat obilit,pa tek onda ga oslikavat,a pošto i sutra zovedu kišu pitanje je kad če se priča okolo ovi jaj uopče moč završit?











Ovako je to večeras izgledalo,a kako če bit posli kiše šta bude cilu noč padat ko to zna?

Ispeci pa reci:

Komentiraj

Prethodni post:

Slijedeći post: