Google
346

Zašto na školskiman svidožbama nima više spola diteta i imena roditelji?

Datum:July 5, 2018 6:38 pm
Comments
Komentiraj

Ka ča znamo jučera je dici u školaman podililo svidožbe,a za razliku od prošli godin,lani zanji put,desno od imena učenika-ce pisalo je kojega je spola,u odnosu na doba mraka kad je pisalo sin-kči,sad je to bilo M ili Ž,a ispod imena učenika-ce uz podatke kad se i di se rodija-la,državljanstva, pisalo su i imena roditelja ili skrbnika,ko je u dobre, oba roditelja,a ko nije ili zbog neki drugi okolnosti,ime onega ko o tomen ditetu vodi računa, ove je godine to izostalo,nima više imena roditelji-skrbnika,e i da sad koko opet nebi udrija po onoj famoznoj “Instanbulskoj” konvenciji i počeja,jesan li ja reka da če to bit na mala vrata… triba ga odma fermat,jerbo je ovi zakon donešen još lani u četvrti misec, kad je ministar obrazovanja bija Pavao Barišić,a stupija je na snagu u deveti misec isto tako prošle godine,e sad, dok jedni pljucadu zbog toga ča je izostavilo spol diteta i imena roditelji,drugi ča to moradu opravdavat su se sitili pa govoridu,da ča kraj imena mora pisat kojega je roda,oli samo ime ne govori ča je,e,a to ti je ono kad moraš odradit ono ča ti rečedu,a o tomen uopče ne razmišljaš,nego samo ka papiga ponavljaš,a oti ka da stojidu na Marsu,pa neznadu da jema unisex imen ča ji koristidu oba spola,npr.Matija,Frane,Saša,Leni…,a isto tako u našemu selu jemate ljude šta se isto zovedu i prezivadu i da uz njiova,nima imena od pokonji jin roditelji, nebi niko zna o komen se radi,a to ča če mi ko govorit da jemamo OIB-e,neka govori komen drugomen,pri koju godinu na televiziju u niku emisiju je bija čovik koji se isto zove i preziva ka i oni drugi, pa je,neka i jedan i drugi jemadu svoj OIB,ovemu drugomen došlo da mora platit troškove za nike račune od ovega drugoga kojega nikad u životu nije vidija…

A ovo ča mi ka roditelji ili oni ka skrbnici na svidožbu od našega diteta nismo napisani je pomalo smišno ,po otome ispada da vodidu sami o sebi računa,a ko bi jin triba po tomen odit na roditeljske sastanke ili oče li se to u budučnosti uopče zvat roditeljski?,a jeli uopče roditelji tribadu doč na ote sastanke ili primanja,more ko oče umisto nas?,ko bi triba u školi potpisivat za razno razne dozvole za izlete,exkurzije,odobravanja za ovo ili ono?… isto tako,ko naleti??…

Pari komen ka malo smišno,oli čudno ovo šta san napisa,ali nakon onega da je zamalo došlo do toga(pa eto ispada da neče) da zbog tajnosto osobni podatak nečemo moč vidit ni ocjene u dnevniku, ako nan dite ne da za to dozvolu,onda su ovi moji moguči scenariji,kamilica,u odnosu na ono ča bi nas u budučnosti moglo strefit.

Ispeci pa reci:

Komentiraj