Pri niki dan san u selo vidija Željana Jurlina,viječnika u Sučuračkomen Mjesnomen odboru i o čemu čemo nego o spomeniku paliman braniteljiman iz našega mista oko kojega se digla velika prašina i još uvik se po selu naklapa zašto na njemu nema imena poginuloga Lorana Šulentića iako se nalazi na centralnomen križu na Malačkoj na kojemu se nalazidu imena svi poginuli i kojemu je u Gradskoj viječnici postavljena slika uz…

Tamo nigdi u prvi misec pisa san text pod naslovon “Sramota” kad san proša kroza Veli Varoš i vidija spomen ploču ča su je Velovarošani mekli za poginule borce koji su u Domovinski rat krenili iz Spliskoga Varoša u koji se više nikad nisu vratili.I to nima puno texta,a sve je rečeno:“OTIŠLI STE IZ VELOGA VAROŠA PROŠLI HRVATSKOM I POGINULI ZA NAŠU SLOBODU” (pa je onda napisano sedan imen poginuli)…

Odveja san malu u školu i ka po običaju nanoge učinija đir po selu i ništo mi je parilo ka čudno. Znate oni film ča se zove Beskonačni dan u kojemu je fabula bila kako je svaki dan isti,e tako je i u naše selo svaki dan isto,ali jutros nije bilo sve isto,vidija san nike ljude ča ji u selo baš i ne viđan,e sad če reč koko pa oli…

Danas je na Sučuračkoj rivi održan susret Tomos motorini di se moglo vidit od oni prvi remenki do oni zanji automatici,a bija je jedan ča je proša O kilometri i još na sebi jema gume s kojiman je izaša iz butige,a kupljen je tamo sedandeseti godin. Sudionici su se lipo družili i zabavili tako da su se najpri natjecali ko če sporije vozit zašto je prvo misto i nagradu (vrlo…

Sinoč je Gospojska štrada bila tisna za sve one ča su došli poslušat klapu Podvorje tako da je osin okolni skalinadi i Glavica bila krcata svita koji je doša slušat Sučuračku klapu kojoj je ovo peta godina postojanja.Emotivno je to sinoč bilo i iz razloga šta je jednome od članov Antoniju Jerčiču koji je u klapi od samoga početka oto sinoč bija zanji nastup jerbo ga životni put vodi daleko…

Jučera je na našoj rivi povodon Dana pobjede,Domovinske zahvalnosti i Dana Hrvatskih branitelja oldtajmer Moto klub Adria učinija 16. Dalmatinski susret oldtajmer motori di se moglo vidit lipi primjerak,a ovi jedan Puh iz 1912 godine je bija kruna događanja. To je motor koji je pun detalji koji čovika ostavljadu bez riči,neču puno nabrajat pogledajte ga sami na slike,ali moran reč da me zadivilo prednje svitlo o motora koje svitli na…

Ovo gori još puta deset ponovili su oni ča su jutros okolo deset i pet sidili na onima klupan isprid pekare na rivi. Ma ka da te sam bog posla,a ča je sad? a oli ne vidiš da kamijon od smeča ne more doč do kontejneri? a je, vidin, i od četiri kontejnera ča su tot, uspili su samo dva ispraznit,a ona druga dva su ostala puna jerbo da su…