Natpis je to zajedno sa likon Smoje ča ga je niko učinija na komadu bilega lancuna i s njin prikrija onu napravu za selfije ča se nalazi na Matejušku. Ovde bar ne triba puno naklapat ča je pisac tija reč,a to je li napokon sazrilo vrime da tote na Matejušku Smoje dobije spomenik možda če upravo ovo vrime od izbori to iskristalizirat?

Odma na početku moran upozorit da ove slike gledate na vlastitu odgovornost,oni ča jemadu problema sa tlakon ili malo slabije srce neka ovo uopče ni ne otvaradu.A na Matejušci se početak utaknice čeka uz ritmove sanbe,runbe,ča-ča-ča…uz dvi Brazilske plesačice.