A znate li da su napokon,nakon četrnajst miseci,a rekli su da če jin tribat dvanajst,napravili ono rekonstrukcije ceste od potoka kraj švori do anbulante. Reče koko ma vidi friške vijesti,a taman je subotu pri Dana Državnosti bilo gotovo. A ča se mene tiče oto dijonice još nije gotovo. A biče gotovo tek onda kad doli na cestu di se spaja put Kroz Blata nacrtadu zebru,a dosad san muča jerbo mi…

O tomen da je Sučurac šta se šetnice uz more tiče,odvojen od ostatka Kaštili ne triba spominjat,to svi znamo,a i po svemu kako izgleda ne nadzire se,kako bi se to u skoroj budučnosti moglo prominit,pa tako Sučurani koji su se sa biciklan,romobiliman,šetnjom…uputili prema ostatku Kaštili, gredu priko Sokolane i penjedu se prema cesti i na kantun od bivše mehanike jugovinila,ili sadašnjega Euro Gardena čekadu u straju kad če moč priletit…

Jema nikoliko godin da se govori da bi ovde tribalo meknit ležeči i pješački,jerbo je ovo glavni koridor kad dica priko marende trčedu za kupit marendu,a i stariji svit vuče noge,ne moredu više brzo odit,a aute iz pravca Varoša prema nizdol tako brzo gredu da je puno puti bilo škripe kočnic i zaustavljanja u zanji čas,a eto nakon pustoga upiranja sa svi stran,ovega i onega,napokon smo dočekali i ti dan…

Ovo ovde je glavni koridor dici kad jin je u školi marenda i ne gleda se puno na aute,nego se leti,a kako dica letidu tako stariji trepljedu,ča oče reč gredu pomalo,vučedu noge i tote bi tribalo meknit pješački prilaz,a odozgara,jerbo se aute znadu lipo zaletit,triba meknit “ležeče policajce”,jerbo če se diko dogodit dežgracija. Zanimljivo je kako su mi rekli,da jema i skoro pet godin da je MO zbog ovoga reagira,a…

Neman ništa novo za napisat po ovomen pitanju do reč kako je ovo sramota i učinit copy paste od texta napisanoga 19.03.od ove godine pod naslovon, Prošlo je evo pedeset daan i još je ovako? Novi put se posli radov stavljanja cijevi od kanalizacije asvaltira 29.01 2016 godine,a ni do danas, nakon pedeset daan još uvik nisu ponovno povučene rige na pješačkiman prilaziman kraj škole prema Varošu i doli kraj…