Naravno,usrid sezone,ali eto,šta čemo, držimo se one,bolje ikad nego nikad, ka malo se upiralo da se ovo korito koje je tribalo bit pješčanik,a priuzelo funkciju legla zaraze,potaraca i evo,danas su to napokon učinili,meklo je mrižu i čeka se beton. Evo doli ova slika za one šta neznadu kako je oto izgledalo:

Jučera je to nalivanje trajalo cili dan,a bome produžilo se i do kasni nočni uri,tribalo je pustit da se beton malo utegne da bi ga moglo sa strojeviman “peglat”,pa je to potrajalo,a kako u nas kad se ništo radi sa betonon ili ligadinon,pod obavezno je da se tote koko potpiše,ništo mudro napiše ili tamo ostavi svoje stope,a to se sve dogodilo,pa čete vidit na zanju i prizanju sliku kako je…

Popodne ja na Gojaču iša vidit dokle su došli radovi na onemu platou isprid prostorij,kad me vidilo iz daleka i počelo za menon vikat,čekaj tote,a baš da san lipo naletija,bija bi me on zva ali nima moj broj mobitela,dođi vidit vamo i kažije mi rukon put nike cijevi,a šta ču vidit,pitan ja,eno namo di je ona cijev,tote bi triba doč tuš,a ča neče bit namo na zapadne skale di je…

Fermajedu me i pitadu kako nikakve novosti ne pišen oba Gojači,a u nediju san reka kako krečen u akciju,da oli san se i ja oladija i ostavija ji na cidilu…??? Ma nisan se ja oladija,tek san se ono u subotu,kad san počeja okričat telefonske broje i nazva dežurnoga komunalnoga redara,počeja zagrijavat,za da bi u ponediljak počeja tražit ko je kopetentan za ovi problem i tako mi je,pošto su godišnji odmori…

A ne triba ovde u nas bit nikakvi vištac,prorok,gledat u razne kristalne ili koje druge balote… Samo triba pratit kako to ide i vrlo brzo uđete u šemu kako se to ovde u selo radi,pogotovo kad ja o tomen napišen. Zna se kako se nešto ne sad,kad ja to napišen triba učinit,več se odavno tribalo,pa onda pustin malo vrimena da to učinidu,a naravno to se u to vrime ne napravi,a…

Jema več prilično vrimena da se na šetnici na Gojaču otvorila lipa rupa i meklo je ova driva da koko nogon ne upadne,ali po noči je puno nji za ovo “konstrukcije” zapelo,jerbo se baš ne vidi najbolje,a pa su mi rekli da neka meknen i napišen, da ča se koko triba priko ovega slomit,pa če se tek onda sredit?

E a sad da koko krivo ne svati,to je ono vanka di se mekne šugaman za leč,žalo je sa toga mista skroz nestalo. Prolazin danas Gojačon i jedna žena ča se tote kupala mi govori da je li mi more ništo reč,da je li more,govorin ja,pa mi pokažije na misto di je predviđeno za ležat na žalu i govori kako jema več dvi-tri godine da niko nije niti karijolu žala…

Na Sokolanu su evo nakon misec daan nego ča je onu ukrelo,jutros mekli novu,kadinu,brojalicu,niko je zove krunicu,oliti ga psihičku barijeru za plivače,jučera je meklo i dvi nove klupe,na Gojaču je danas popodne stavilo priobučivalicu,tako da kad sad sa sebe kupači budedu skidat mokre badiče više neče  tribat činit kerefeke za to napravit,a i ljuljačke su opet u funkciji.

Govori meni ovi jedan ča me ferma u selo. A kako san zaboravija,ča se to tamo radi? E u tomen i je problem, ne radi se ama baš ništa. Nije još meklo onu,kako ti ono zoveš,pribučivalicu,a ni ljuljačke još nisu u funkciji. Ka prvo nije pribučivalica,nego priobučivalica.Ma zovi je kako očeš,na Sokolanu je meklo jema tamo u ponediljak,a ovde je nima. A oli je priša,tek je prvi sedmoga,govorin ja njemu,da…