U nediju me ovi jedan iz sela ča je šeta sa unučicon trevija doli ispod crikve pa mi govori,ma daj ajde doli na Sokolanu slikat kako to izgleda sve u vodi i blatu,a pa ono nije normalno,sramota… E pa san iša vidit,ali da ja sad ovde ne objašnjajen,najbolje je da pogledate slike,jerbo se reče ono,kako slika govori iljadu besid,E. A šta se tiče oni novi betonski stop za klupe koje…

Bager kopa zemlju okolo dičinji sprav za igranje,gingalicu su izvadili…? One klupe na plaži okrenute prema zapadu na kojima se sidilo i meditiralo gledajuči zalaze sunca,su iščupali…? Pa me onda pitadu da zašto če se razbivat oni betonski dijal između gornje i donje plaže…? Itd,itd… Bager okolo tobogani,ljuljački,gingalice…kopa zemlju,jerbo oto triba betonirat da bi se to  napokon sredilo kako triba,tj.više se dica nečedu tote igrat u blatu,kad se spustidu niza…

Zvoni meni popodne u četiri manje kvarat mobitel,a ja taman ubija malo oko,jerbo me satralo ove dane po Italiji,a kad smo se vračali,drndali smo se četrnajst uri u autobusu,e zatvorena Oštrovica Kikovica,pa onda Maslenica i ka Mageljani,sve okolo smo morali odit,a ovi ča me zva me još napa,spavaj ti spavaj,a na Sokolani panika,koja panika,a da je ništo kafeno ušlo u more,a kako je to ušlo,svi su od straja iz njega…

Da oču li? Kad vididu,odma čedu trčat. Doli na plaži Sokolana,na one zapadne skale za ulazit u more,pukla je ona gornja skalina (odvarila se) pa bi bilo dobro to popravit da se koko ne slomi. Eto napisa.

Ljudi moji ma šta se ovo događa,je li to moguče,imamo priobučivalicuuu,sud svita če…? Reče koko nikad nije kasno,naravno,mi Sučurani smo navikli da se oni iz Grada prema nama ponašadu mačehinski,ali jaki smo mi,naučili smo trpit,pomalo,nije priša,svaniče i naš dan… A oče mi ovo koko objasnit,vlada se trsi za svakoga gosta,govoridu nan kako se zbog nji,mi moramo cijepit,da zaradimo koju kunu više,a s druge strane,pitan ja Vas,a koliko nji-turisti više nikad…

O onoj nesritnjoj priobučivalici ča je još uvik nima doli na Sokolanu svakin danon kružidu razno razne priče,pa mi je tako jedna osoba iz MO-a rekla da je njoj rečeno kako priobučivalice nima jerbo ju je ukrelo,a sad neznan kad ju je to ukrelo,iako put doli svaki dan učinen đir i nisan je nikako vidija,možda san slučajno prividija,pa san pita ljude koji su svaki dan od početka doli na Sokolanu,da…

Evo pogledajte u par slik ovega,mislin da je po šestu Francuz,koje je kerefeke mora izvodit dokle se priobuka u robu za poč ča i ko zna oče li nan se više u selo vratit. Dakle operacija oblačenje uz pomoč samo jedne ruke,jerbo se sa drugon mora držat šugaman kojega se okolo sebe omota,trajala je lipi pet-šest minuti,jerbo nije lako stat na jednoj nozi,a da se sa rukaman ne moreš za…

Uf ča su Sučurani jidni,govoridu,znamo da smo zanja rupa na sviralu,ali šta je mašo,mašo je. Evo je več peti dan sedmoga miseca,a ovi iz Grada nan još nisu na Sokolani mekli priobučivalicu? Ka ča san več pri par godin pisa,Sokolana je več odavna postala glavna plaža,čak i ono turisti šta nan je počelo zanji godin dolazit,svi se na Sokolanu kupadu. Ali dokad? Ove zanje dvi godine zbog korone turisti se…

Pa je onda niko reka da se siča kako je na jednoj sjednici od Gradskoga viječa i sam Gradonačelnik reka da Sokolana nije plaža. A zanimljivo,od nas par ča nas je tote bilo,samo on zna da je Gradonačelnik oto reka,a kad san ga pita kad je to bilo,e on nezna,ali zna (sad se več malo koleba u tomen znanju) da je reka. A dobro,naravno sad se odma ide u potragu…