Evo je ove dane godišnjica kako je plaža Sokolana oslobođena od izlivanja govan koja su dolazila od jednu četrdesetak kuč iz pravca Peci. Mislija san cilo vrime kako če se ovi iz bile zgrade kroz svoje propagandne novine Kaštela info ili svoje službene stranice oglasit da su se Sučurani ko zna koliko godin ipak kupali u govniman i da ja nisan samo tako širija dezinformacije i laži,pa san isto tako…

Prosvitlili su kandelabri ča ji je postavilo doli na Sokolanu. Svi su se pitali,a kako če to svitlit,jerbo su kopali za stupe stavit,a kanale za kabele meknit nisu,pa je jedan reka da če biče ka po običaju,visit žice od jednoga do drugoga stupa,ali nije,meklo je led rasvjetu koja radi pomoču fotonaponski čelij koje se punidu po danu,tako da je ova rasvjeta neovisna o elektro mriži.

Zanje uzorkovanje mora u Kaštilima je pokazalo da je na pet misti pronađena ešerihija kola,a jedna od plaža je i naša Gojača,pa se odma krenilo sa pričon da ako je to tako je li to znači da se tote nebi smilo  kupat,a onda je ovi jedan doda da nikad na Gojači nije bila zabrana kupanja,a onda san se naravno,umiša ja,je bila je ča ja znan meknuta tabela da se nesmi…

Pri nikoliko daan opet je iz onega potoka ča ulazi na plažu Sokolana svašta izlazilo. Zvalo me da dođen vidit,a dokle san doli doša toga više nije bilo,ali san uspija uvatit ovo dvoje mladi koji su išli vidit o čemu se to radi,pa je momak pita ovoga jednoga “gud voter” i pokazije prston na potok ča ulazi u more,a ovi mu odgovara “no gud”,malo su gingali glavon,malo popričali,skupili su stvari…

Znate kad san ono u sedmi misec pri dvi godine pisa da me zvalo da na plaži na Sokolanu izlazidu govna,pa mi je onda reklo da kako mogu usrid sezone dizat paniku i da di su mi dokazi,neman slike za oto ča san napisa. E sad jeman i slike (pogledajte slike) okle govna ča doli na Sokolanu izlazidu ustvari dolazidu,a šta je najgore od svega presjednik sučuračkoga MO Damir Rajčič…

A uređenje se sastoji od iskričanja i ravnanja žala,dok doli sa južne bande one zidove ča su se odronili u more niko ne vadi,a dice liti baš na oto misto bude krcato, jerbo jin je drago odatle skakat,pa bi bilo dobro da se to par komadi izvadi vanka, da se nebi dogodila koja dežgracija. Meklo je i priobučivalicu,na Sokolanu i Gojaču:

Danas okolo deset i deset na Sokolanu među kupačiman je bila velika panika jerbo su iz onega potoka ča izlazi tika uza plažu kako mi govoridu očevici (biču fin) počela izlazit govna (ka i nikidan i to mi ovi govori +- koja minuta,okolo iste ure ka i danas) i matere su brzo vadile dicu iz mora vanka i beštimalo se u svi šesnajst,a kako su mi rekli odma se je…

Ajme meni ča su me satrli ovi par dan od kako je bager započeja pa onda iša ča i ostavija ono doli bidne plaže na Sokolani još gore nego ča je bilo. Udrilo po meni sa svi stran,a ča je a,ne pišeš više o onomen a?sliza se i ti š njiman a? ajde kvragu ti i ko se sliza,a ča ču pisat kad mi je čulareklakazala da čekadu da malo…

Trevija me pri niki dan jedan malo stariji čovik pa me pita da bi li ja moga ništo napisat o onoj doli plaži na Sokolani ča je zid uletija u more tako da je njima starijiman puno teško ulazit i izlazit iz mora jerbo tribadu priskakat priko zida.A govorin ja njemu da jema plažu na Gojaču di nima vaki građevin u moru,a on če meni,e moj sinko navika je puno…