Google
1,369

A šta još triba izač iz onega potoka ča ulazi na Sokolanu pa da koko reagira?

Datum:June 18, 2018 3:06 pm
Comments
Komentiraj

Evo čitan kako je najnovije uzorkovanje mora pokazalo da je na Gojači more zadovoljavajuče kvalitete,pa se u selo opet postavlja logično pitanje,da zašto nima ništa odo tome kakva je kvaliteta doli na Sokolanu,a ča čedu bezveze gledat,“sigurno je extra djevičansko“ .
Ma baš nikidan kad je u selo bila akcija od čiščenja mora, upa san u priču sa Dogradonačelnicon Jadrankom,ustvari, cilo san vrime izbjegava i biža na drugu bandu da do razgovora uopče ne dođe,a onda se dogodilo da je Dogradonačelnica sa ovin našin jednin iz sela ča jon je iša ništo pokazat,prolazila kraj šentade na koju san sidija i ništo mi počela govorit, da zašto ne napišen o nečemu šta se nalazi u moru,nije bitno za ovu priču o čemu,a ja san ovemu na mobitelu ča san sa njin priča reka da malo pričeka jerbo moran ništo popričat sa „njegovon“ Dogradonačelnicon,a on neka sluša,ma čekaj malo,o čemu ti govoriš (razgovor je teka na ti) selo nan se raspada,di se ko okreneš moreš uprit prston u ono ča triba napravit ili popravit,a ti meni da ča ne pišen o „tomen“,a bila si ka i ja, malo pri na Sokolanu i vidila oni potok iz kojega cilo vrime izlazidu razno razni „objekti“  i to te ne zabrinjava?Dogradonačelnica Jadranka je vazela mobitel i da če mi ništo kazat,gleda,lista slike i govori mi, vidi,sad san doli oni potok slikala i sve je čisto,kažije mi slike na mobitelu di se vidi oto potoka di teče u more i govori mi kako se ništa ne vidi odo toga ča ja govorin,gledan ja u nju i pitan,čekaj,je li ti to mene ono ka,nisan moga doč sebi,pogotovo znajuč kako je do naza godinu daan radila na sanitarniman posloviman,a ti to bez analize znaš da je oto ča doli ulazi zdravo,a da nije ona tako mislila,nego da se ništa ne vidi,ok,a ja ču kad buden o ovomen našemu razgovoru pisat meknit slike o svemu onomen ča san slika,a ča je iz ovega takozvanoga potoka do sad sve izlazilo,a puno toga nisan ni ja uspija uvatit,jerbo kad bi me ljudi zvali,dokle bi ja doša,toga više nebi bilo,vidiš,zaboravija san dogradonačelnici reč da lipo ja i ona tote provedemo 24 ure i sigurno če uz ovu sliku sa „čiston“ vodon, na mobitel jemat i koju sa šporkicon,a onda san dalje kroza priču moga razabrat i to da ništa od onega prijedloga ča san jin lani na licu mista (prisutni dogradonačelnica,dogradonačelnik i upravitelj vlastitoga pogona-šta morete pročitat u jednomen od textov o problemima na Sokolani ča san ji ovi par godin pisa) pokaza kako bi se bar eto liti oti problem moga riješit,ma nisan ni mislija da čedu to napravit,a zanimljivo,govorin ja Dogradonačelnici,u druga mista koja nimaju ovakvu jeftiniju alternativu ka mi,pribjegavaju onoj drugoj,kad je več voda došla do mora i kad više nima pripucavanja čiji je oto kanal oli potok,onda oni koji očedu takvi problem riješit pribjegavaju rješenju tako da postavljadu cijevi u more i takve vode odvedu šta dalje od plaže, jeman sliku pa ču je kad buden pisa meknit.

Ovo ča ču sad doli napisat ne odnosi se na osobu koju san u textu spominja,več opčenito.
Zanimljivo je ponašanje oni koji se kandidiradu za da bi došli na vlast,bilo da je to u Mjesniman odboriman,Opčinan,Gradoviman,Županijaman,Vladaman…
Puno puti se more čut, ne more se,pa onda ti se koko oče prižentat pa ti reče, ja san sve prova,ali te poklopidu,ne moreš se izborit,ostaneš usamljen,ma čekaj malo,neko nekoga koči,a ovi oče ništo napravit za dobrobit oni koji su ga izabrali,a pa ča se mene tiče,kod takve situacije,sazva bi lipo konferenciju za novinare,reka ča san sve pridložija da se triba učinit,jerbo je to neophodno za normalno življenje nekoga određenoga mista ili područja,ko me je u tomen poklopija,blokira da se takvi radovi učinedu-ne učinedu,zafalija se građaniman na ukazanomen povjerenju koje su mi dali na izboriman i lipo da ostavku,jerbo ne mogu kvalitetno zastupat svoje biračko tijelo. Jedino ča san do sad vidija da je to kod nas pri par miseci učinija,je Marin Strmota državni tajnik u Ministarstvu za demografiju, koji je upravo konferenciju za novinare o noviman mjeran šta ji vlada misli učinit za demografiju,iskoristija i zafalija se na toj funkciji,jer se sa otiman mjerama koje se mislidu napravit po pitanju demografije ne slaže (on ka stručnjak bi tija to učinit drugačije,a nije moga) i zbog toga je napustija puno lipu funkciju.

Zanimljivo da, ko ko dođe na niku funkciju nikako ka zaboravi zašto je tote di je,ustvari da bi triba služit oniman koji su ga za to izabrali,a ne da ispadne obratno.
Npr.ono ča san ja u razgovoru sa građaniman ovega našega sela uspija svatit u ovi par godin otkad na ovu stranicu pišen, je to, da ljudiman ne triba puno,prominit izgorenu žarulju,postavit koji novi stup di rasvjete nima,da ljudi vididu po noči di če odit,asvaltirat da ne lomidu noge po rupan i goban kad dolazidu doma,oniman ča još nimadu asvalta izravnat,nasut malo žala,da ne gazidu po lokvan i blatu,napit se gradske vode sa špine, da lokalna zajednica napravi sve šta je u njenoj mogučnosti da se liti u svomen selu moremo banjat u čistomen moru,a ne da tribamo činit po nikoliko desetak kilometri za okupat se…

I na kraju čemo malo o ovomen kako je od naza par dan uzorkovanje na Gojači pokazalo da je more zadovoljavajuče kakvoče-na skali valjanosti prezanje,sljedeče-zadnje na skali je ,nezadovoljavajuče,kad se mečedu tabele o zabrani kupanja.

Inače skala o kakvoči mora ide:
Izvrsna
Dobra
Zadovoljavajuča
Nezadovoljavajuča

Na ove dvi doli slike se more vidit kako to drugi rješajedu probleme sa razniman vodaman ča ulazidu na plaže. Da nebi koko mislija da to stoji ovako ka na slikan,ne,na površini ji spajadu,a onda ji potopidu na dno.

p063

065

A u produžetku morete vidit,kome se da i pročitat, sve ono ča san od 2015. pa do sad, pisa o problemima sa potokon ča ulazi na Sokolanu

Ovo doli je text od šestoga miseca 2015 g.

Panika danas na Sokolani (stavljene slike od kanala)

Danas okolo deset i deset na Sokolanu među kupačiman je bila velika panika jerbo su iz onega potoka ča izlazi tika uza plažu kako mi govoridu očevici (biču fin) počela izlazit govna (ka i nikidan i to mi ovi govori +- koja minuta,okolo iste ure ka i danas) i matere su brzo vadile dicu iz mora vanka i beštimalo se u svi šesnajst,a kako su mi rekli odma se je alarmiralo opčinske službe ka ča san i ja zva za vidit ča se da učinit,a čovik je isto tako sve napravija ča je u njegovoj moči i alarmira one ča su navr njega.

Uglavnon ovde triba na brzinu reagirat jerbo ka ča morete vidit na slikan (bocu od cidokora) iz ovega kanala jema bit svašta izlazi,a izlaz je tika uza plažu koja je krcata svita sa malon dicon (vidi sliku) i to od onega stranega i svi stran lipe naše,tako da puno puti oti razni jezici i dijalekti znadu bit u večini u odnosu na nas domače,pa da nebi opet dogodine ka i ovu godinu, kukali kako nan je u odnosu na ovu godinu opet pa broj gostiju,jer nije niko lud pa če se doč kupat tamo di če se infetat,a s ovin danas šteta je več učinjena,ne virujen da če se ovi ča su danas oto vidili više pojavit na ovo misto.

Puno nji se pita okle ova pusta voda iz ovega kanala? A znan da je tamo u Doba mraka kad je jugovinil radija tote izlazija inberlauf-višak vode ča ga jugovinil nebi potrošija pa bi diko tuta force ka danas odila,diko upola manje,a diko je skoro pa nebi ni bilo,ma mi sad nije jasno o čemu se tot radi?jerbo jugovinila odavna nima,a nije vrag da je to oni isti inberlauf i da voda iz vodovoda cilo vrime u ogromniman količinan gre u more?,a ako je i koliko je gre onu gori stranu navr Magistrale,ako ne cilu polak bi se sigurno dalo s njon namirit. Znan da bi sad okolo ovega mogle nastat peripetije jerbo su ovi svi kanali i potoci u ingerenciji Hrvaski vood,ma ništo hitno triba učinit,jerbo nima vrimena za prepiske koje se znadu protegnit,bar nan je ovde tako bilo objašnjeno kad je u pitanju oni potok u Blatima . Možda da Grad ide u pregovore da če on riješit problem tako da bi napravija spremnike i ovu vodu koristija za navodnjavanje zeleni površin u selu na koje se potroši lipo vode,ali ima ništo ča se odma da učinit,a to je da se navr dvorane di ota voda izlazi vanka zamisto prema doli kroz cijev, ota voda usmjeri kanalon koji je napravljen sa gornje bande jugovinilove štrike koji je baš zbog toga i učinjen i kanaliziran tamo u more uza istočnu žicu od jugovinila.

To je rješenje koje je izvedivo u najviše tri dana,triba samo očistit ovi sjeverni kanal od smeča začepit rupu ča gre prema doli i voda če ič kanalon koji je zato i napravljen i izlazit če sto metri dalje nego sad.

Inače san mislija pisat o ovemu potoku jerbo se puno nji bunilo kako je tote more i par stupnjev ladnije nego tamo sa južne bande,kad evo sad ovo.

Na ovoj doli slici di je bila točka je otvor di voda izlazi:
Slike 27436_edited-2

Na ovoj doli slici je to sinjano bilin kolunbaron:
Slike 26954

Slike 26516

A na ovoj doli slici se vidi boca cidokora ča je doplivala iz kanala i sad se lipo kupa.E.

Slike 26844

DRUGI DIJAL:

E ovo je misto di se more preusmjerit voda da zamisto da gre na plažu,kanalon more stotinjak metri dalje:

Na slici vidite kako je stavljen ovi zid ča san ga obiližija su dvi bile točke koji kad ga prije nije bilo onda je voda odila dijal ovin kanalon koji bi diko bija pun do vrja,a manji dijal kroza ovu cijev ča gre do plaže,znači da bi se oti zid triba maknit ili po sredini njega učinit rupu da voda more ič,isto tako iza ovega zida ništo se radilo da voda gre direktno doli tako da bi tribalo gori nalit malo betona da ota voda zamisto doli gre gori i to je cila mudrolija ča se ovoga mista tiče. Inače ovo se radilo onda kad je tribalo cijev od vode primistit zbog izgradnje dvorane i odonda cila voda gre kroza ovu cijev,a ne kanalon.

Slike 28066_edited-1

Na oviman slikan se vidi kanal koji je predviđen za odvodnju vode:

Slike 28065

Slike 28075

Slike 28073

A na ove dvi doli slike žutin kolunbaron je sinjano di oti kanal gre u more:

Slike 28064_edited-1

Slike 28062_edited-1

A sa ovon zanjon slikon tija san dočarat kolika je udaljenost toga mista di gre u more u odnosu na plažu:

Slike 28063

Dakle,rješenje postoji,brzo i efikasno,sve je tot,samo triba zasukat rukave!

Ovo doli je text iz osmoga miseca 2016 g.

Opet nevolje sa onin doli potokon ča izlazi tika do plaže na Sokolani

E,a ovo kako na oviman slikan izgleda je veliki problem,ono turisti ča je u selo došlo i kojiman je Sokolana hit samo se kupidu sa plaže ča,a i našiman nije baš svejedno,jerbo se nezna ča se sve krije u ovoj muteži ča iz potoka izlazi vanka,a plaža koja je cila mutna,bi se nakon nikoga vrimena kad se sve vrati u normalu opet tribala razbistrit,s tin da če ovo kafenilo past doli na dno itd.itd…

002

004

010

A ovo doli je napisano u drugomen misecu 2017 g.

DRAGI MOJI SUČURANI VI SE DEFINITIVNO KUPATE U GOVNIMA

Znate kad san ono u sedmi misec pri dvi godine pisa da me zvalo da na plaži na Sokolanu izlazidu govna,pa mi je onda reklo da kako mogu usrid sezone dizat paniku i da di su mi dokazi,neman slike za oto ča san napisa.

E sad jeman i slike (pogledajte slike) okle govna ča doli na Sokolanu izlazidu ustvari dolazidu,a šta je najgore od svega presjednik sučuračkoga MO Damir Rajčič je pri tri godine o ovomen problemu obavješten,pri dvi godine dogradonačelnik Bonacin je isto tako obavješten,a jučera je isto tako, kako mi ovi  govori nazva i Denisa Ivanovića presjednika graskoga viječa i dogradonačelnika  Zorana Bonacina,a isto tako i Matu Gotovca iz komunale grada koji je reka da če poslat cisternu da oto odštopa,a evo to je bilo jučera,a do danas ništa od toga,inače kad se pojavi ovakvi problem onda ga rješajedu na oti način,a u međuvrimenu govna izlazidu vanka,pa ulazidu u kanal koji izlazi doli na plažu na Sokolanu.

Dakle,problem s kojin su svi relevantni činbenici več par godin  upoznati niko ne rješaje,nego se ka ča san gori napisa pribjegaje vatrogasnin mjeran čiščenja cisternon,a problem je puno veči,jer očito je nigdi u sistemu” usko grlo” koje se zaštopa i zaraza onda izlazi na plato koji morete vidit na slikan i ulazi u kanal koji izlazi doli na plažu na Sokolanu,a pitanje je jeli i cilo vrime,mimo toga zaštopljenja ulazi diko u ti kanal? I niko u ovi par godin nije zbog toga reagira,da se ovi problem koji se nalazi usri sela,tik do Kaštelanske ceste riješi kako triba?

I kad je mene pri koji misec daan u selo zaustavija jedan da se ovo lito posli kupanja na Sokolanu infeta i da je pokupija niku bakteriju i da mu je bilo puno grubo,onda san ja to bacija na zajebanciju da je on to čita ča san  napisa pa da misli da je to odotoga,a nije,je,uvjerava me on,baš san oti dan čutija smrad i mislija san da mi se pričinjava,ali nije čutija san par miseci svoga boga,a i znan da su dica i ova moja ča se doli kupa ovo lito povračala i ko zna komen je sve u ovi godin ono sve ča se ljudiman  dogodilo,to zbog ovoga bilo?A ja sad moran ovomen kad ga u selo vidin reč da je on to dobro po vonju čutija.

Mala šahtica iz koje teče “ovo” bi tribaala bit od telefonije,tako da je malo čudno da iz nje teče “ovo” u zelenokafenozelenkastoj koluri:
007

A na ovoj slici ispod se vidi kako iz šahtice ča bi tribala bit za telefoniju “oto”ča teče ide do doli i opet ulazi u kanal sa vodon koji izlazi doli na Sokolanu:
030

Ka ča vidite na ovoj doli slici i iz ove rupe-šahte izlazi “oto” i ide kroz gradele ispod koji teče voda koja izlazi doli na plažu na Sokolanu,a ovi mi govori da mu je jedan reka,neču imenovat,ali je vrlo zanimljivo koji, da neka prokopa ovi nikoliko centimetri do ovi gradel pa da tako nebi izlazilo vanka,nego bi ulazilo odma u kanal:
045

053

059

065

014

A ovo doli san napisa polovicon petoga miseca 2017 g.

Panika danas na Sokolani (ponovljen text od 17.07. 2015)

Evo je sredina petoga miseca i danas je tenperatura došla do 27 stupnjev,a i turisti u našemu selu su se sramežljivo,ali sigurno več počeli pojavljivat i samo je pitanje dana kad če počet sezona od kupanja,a glavna plaža koju turisti,a i Sučurani u našemu selu obožavaju je ona doli na Sokolanu,a svidoci smo da doli još uvik ulazi oni potok iz kojega su več nikoliko puti izlazila govna,a i ona situacija u drugomen misecu ča je bila na Peciman kad se tamo nigdi zaštopala kanalizacija,šta se več na isto misto več nikoliko puti dogodilo,a di se nalazidu i rešetke od kanala kroz koje su se ote fekalije ulivale i naravno, došle do krajnjega cilja,plažu na Sokolani.

Sučurac je nakon dugoga sušnoga razdoblja napokon počeja bit destinacija koju su turisti počeli posječivat,čak se i vračaju,a mi bi prema samiman sebi tribali bit bar toliko odgovorni, pa da sve šta je u našoj moči učinemo da iz godine u godinu poboljšajemo kvalitetu življenja u našemu selu i tako budemo još poželjnija destinacija u koju če nama samima,ka i putniku namjerniku boravak u selu bit ugodan,a šta mi po tomen pitanju radimo? NIŠTA,evo na po drugi put text o problemu otega potoka i kako ga je trenutno moguče riješit.

A ovo doli san napisa-ponovija sredinon petoga miseca 2017.g. text od 2015 godine
Panika danas na Sokolani (TEXT OD 17.07. 2015.godine)

Danas okolo deset i deset na Sokolanu među kupačiman je bila velika panika jerbo su iz onega potoka ča izlazi tika uza plažu kako mi govoridu očevici (biču fin) počela izlazit govna (ka i nikidan i to mi ovi govori +- koja minuta,okolo iste ure ka i danas) i matere su brzo vadile dicu iz mora vanka i beštimalo se u svi šesnajst,a kako su mi rekli odma svnoe je alarmiralo opčinske službe ka ča san i ja zva za vidit ča se da učinit,a čovik je isto tako sve napravija ča je u njegovoj moči i alarmira one ča su navr njega.

Uglavnon ovde triba na brzinu reagirat jerbo ka ča morete vidit na slikan (bocu od cidokora) iz ovega kanala jema bit svašta izlazi,a izlaz je tika uza plažu koja je krcata svita sa malon dicon (vidi sliku) i to od onega stranega i svi stran lipe naše,tako da puno puti oti razni jezici i dijalekti znadu bit u večini u odnosu na nas domače,pa da nebi opet dogodine ka i ovu godinu, kukali kako nan je u odnosu na ovu godinu opet pa broj gostiju,jer nije niko lud pa če se doč kupat tamo di če se infetat,a s ovin danas šteta je več učinjena,ne virujen da če se ovi ča su danas oto vidili više pojavit na ovo misto.

Puno nji se pita okle ova pusta voda iz ovega kanala? A znan da je tamo u Doba mraka kad je jugovinil radija tote izlazija inberlauf-višak vode ča ga jugovinil nebi potrošija pa bi diko tuta force ka danas odila,diko upola manje,a diko je skoro pa nebi ni bilo,ma mi sad nije jasno o čemu se tot radi?jerbo jugovinila odavna nima,a nije vrag da je to oni isti inberlauf i da voda iz vodovoda cilo vrime u ogromniman količinan gre u more?,a ako je i koliko je gre onu gori stranu navr Magistrale,ako ne cilu polak bi se sigurno dalo s njon namirit. Znan da bi sad okolo ovega mogle nastat peripetije jerbo su ovi svi kanali i potoci u ingerenciji Hrvaski vood,ma ništo hitno triba učinit,jerbo nima vrimena za prepiske koje se znadu protegnit,bar nan je ovde tako bilo objašnjeno kad je u pitanju oni potok u Blatima . Možda da Grad ide u pregovore da če on riješit problem tako da bi napravija spremnike i ovu vodu koristija za navodnjavanje zeleni površin u selu na koje se potroši lipo vode,ali ima ništo ča se odma da učinit,a to je da se navr dvorane di ota voda izlazi vanka zamisto prema doli kroz cijev, ota voda usmjeri kanalon koji je napravljen sa gornje bande jugovinilove štrike koji je baš zbog toga i učinjen i kanaliziran tamo u more uza istočnu žicu od jugovinila.

To je rješenje koje je izvedivo u najviše tri dana,triba samo očistit ovi sjeverni kanal od smeča začepit rupu ča gre prema doli i voda če ič kanalon koji je zato i napravljen i izlazit če sto metri dalje nego sad.

Inače san mislija pisat o ovemu potoku jerbo se puno nji bunilo kako je tote more i par stupnjev ladnije nego tamo sa južne bande,kad evo sad ovo.

Na ovoj doli slici di je bila točka je otvor di voda izlazi:
Slike 27436_edited-2

Na ovoj doli slici je to sinjano bilin kolunbaron:
Slike 26954

Slike 26516

A na ovoj doli slici se vidi boca cidokora ča je doplivala iz kanala i sad se lipo tote kupa.E.

Slike 26844

DRUGI DIJAL:

E ovo je misto di se more preusmjerit voda da zamisto da gre na plažu,kanalon more stotinjak metri dalje:

Na slici vidite kako je stavljen ovi zid ča san ga obiližija su dvi bile točke koji kad ga prije nije bilo onda je voda odila dijal ovin kanalon koji bi diko bija pun do vrja,a manji dijal kroza ovu cijev ča gre do plaže,znači da bi se oti zid triba maknit ili po sredini njega učinit rupu da voda more ič,isto tako iza ovega zida ništo se radilo da voda gre direktno doli tako da bi tribalo gori nalit malo betona da ota voda zamisto doli gre gori i to je cila mudrolija ča se ovoga mista tiče. Inače ovo se radilo onda kad je tribalo cijev od vode primistit zbog izgradnje dvorane i odonda cila voda gre kroza ovu cijev,a ne kanalon.

Slike 28066_edited-1

Na oviman slikan se vidi kanal koji je predviđen za odvodnju vode:

Slike 28065

Slike 28075

Slike 28073

A na ove dvi doli slike žutin kolunbaron je sinjano di oti kanal gre u more:

Slike 28064_edited-1

Slike 28062_edited-1

A sa ovon zanjon slikon tija san dočarat kolika je udaljenost toga mista di gre u more u odnosu na plažu:

Slike 28063

Dakle,rješenje postoji,brzo i efikasno,sve je tot,samo triba zavrnit rukave!

A ovo doli san napisa krajen petoga miseca 2017.g.

More na Gojači je zadovoljavajuče,a kakvo je na Sokolani?

Evo se počelo opet mirit kakve nan je kvalitete more pa je tako od svi misti u Kaštiliman na kojiman se vazimljedu uzorci more izvrsne kakvoče,osin na Gojači,tamo je u žuto – zadovoljavajuče.

A skala glasi ovako:
Plava boja – izvrsno
Zelena boja – dobro
Žuta boja – zadovoljavajuče
Crvena boja – nezadovoljavajuče

I po selu opet pitanja,a zašto se ne uzimljedu uzorci i doli na Sokolanu,a oli ono nije službena Kaštelanska plaža,ako nije ča onda grad nasiplje žalo i meče tuševe,priobučivalicu,oni plastični zahod…? A pa doli na Sokolanu u odnosu na Gojaču i po tri puta više svita zna bit. I stvarno, zašto se tote ne vazimljedu uzorci,do koga je to i ko i di i na koga triba utjecat pa da se i tote uzimljedu uzorci,je li oni koji uzimlje uzorke uopče i zna za onu doli plažu…?

E pa san malo iša vidit ko određije na kojiman če se točkan uzimat uzorci mora i doša do podatka da o tome određijedu predstavnička tijela sedam priobalni županij. A pa dajte onda, pa da koko u Županiju javi da Sučurac osin Gojače jema još jednu plažu,onu na Sokolani.

Slike-26844

A ovo doli je text od jedanajesti sedmoga 2017.g.
Na licu mista, kraj potoka

Nakon ča san, ka ča mi je reka da mu pošaljen,Gradonačelniku Ivanoviću posla emajliranu poruku o potoku koji izlazi na plažu Sokolana,sa slikan i popratnin texton kako bi se to za prvu ruku u dva-tri dana moglo riješit, pa da kupači više ne strepidu ča bi jin moglo novega iz cijevi doletit,još koja pantagana,oli opet govna ili čako poput one boce od cidokora ili još gore,ono ča se ne vidi,ali je u vodi prisutno…

Eto,pohvalno,koliko godin ima da se o ovomen problemu govori i niko da trzne, a danas smo se našli eto baš tote, kraj otega problema.

Jučera na licu mista,tamo kraj štrike od jugovinila,našli smo se dogradonačelnica Bosančić,dogradonačelnik Benutić,upravitelj vlastitoga pogona Čagalj i ja,pa san jin kaza oto kanala uza sjevernu štriku kojin je prije odila voda,a s kojin u par dan,nakon ča se očisti bi to moglo opet i ota voda bi u odnosu na sad u more izlazila jednu stotinjak metri dalje.E i eto sad onega famoznoga,(ali), upravitelj pogona Čagalj reka je da se to ne more radit jerbo da je oto o Hrvaski vod i da bi oni to tribali napravit,a ča bi to tribali napravit? zar za očistit oti kanal triba nji zvat,ne more grad?ne more kad je njijovo,a dobro,a kako je onda kad se pribacala cijev od kanala zbog izgradnje dvorane to radija neko drugi,ne oni,dobija san odgovor da je grad nji pita je li moredu to radit pa su jin oni dopustili,a dobro,a oli grad ne more sad pitat i za ovi kanal? e,(ali) sad eto drugoga problema,upravitelj pogona Čagalj,sada salazi doli do kanala i govori kako oti kanal nima gabarite za primit otu vodu (dubina 50cm – širina 1 metar)? a kako nima kad je otin kanalon ota voda i prije odila,pitan ja? ne,ne,ovi kanal nije dovoljan za količinu vode koja dolazi i to je to,ma čekaj malo (ovo ja sad dokle pišen razmišljan) ko je to od nas jučer koji smo tote bili moga doč do zaključka da oti kanal nima gabarite za skupit otu vodu? niko,ljudi tučedu velike škole za take proračune činit,tako da mi je ta brzinska izjava bila malo čudna,ali eto,bar san dobija odgovor da če se ništo provat učinit,a šta vidičemo,evo ja iman prijedlog ča san ga reka dogradonačelnici Bosančić s kojon san osta još par minuti pričat,ok ovo je od Hrvaski vod i nemore se dirat,a onda neka se ono doli di ulazi na plažu kanalizira sa cijeviman dalje od plaže, u dubinu mora,(a sad evo opet dokle ovo pišen razmišljan)nebi ni to baš lišo prošlo,najvjerovatnije bi sad to spadalo u pomorsko dobro i eto opet problema?

Kako bilo, ja eto virujen da če gradska vlast sve učinit za ovi problem,ako ne za stalno,onda bar za prvu ruku nekako riješit,pa da se na plaži više ne pojavljijedu ovakvi prizori ka ča čete ji vidit doli na slikan.

Slike-26844

209

231

Na ovoj doli slici se vidi razna šporkica,fekalije ili po našu, govna:
009

A pogledajte na ovoj doli slici koliko samo jema dičice i to baš koji metar od otega famoznoga potoka iz kojega svako malo izleti koje iznenađenje.

039

A iza toga je usljedija text od 25.sedmoga 2017.godine sa naslovon

Na sokolani opet panika

Zvalo me danas sa svi stran da neka gren doli na Sokolanu vidit ča je sve izašlo iz onega kanala ča ulazi na plažu,pa mi je inpoštalo i sliku,a pošto se na slikan nije moglo razaznat o čemu se radi,kad san doša u selo iša san ča to doli vidit i evo ču i sa Vama podilit ovu lipotu od nikoga pustoga perija,govan,uloškov, karte od zahoda,krepane maške i ko zna čega svega u tomen je još bilo.

Ka ča znate o ovomen san problemu sa gradonačelnikon Ivanovićem na licu mista razgovara i ka ča mi je reka,posla san mu i emajliranu poruku sa mogučin rješenjen i popratnin slikan,pri petnajst daan,ka ča isto znate,po tomen pitanju san se gori di se potok vidi kraj jugovinilove štrike naša sa dogradonačelnicon Bosančić,dogradonačelnikon Benutićen i upraviteljen vlastitoga pogona Čagljen i evo ču kopy paste jedan dijal, ča san u tomen textu pod naslovon “Na licu mista kraj potoka”
napisa: “E i eto sad onega famoznoga,(ali), upravitelj pogona Čagalj reka je da se to ne more radit jerbo da je oto o Hrvaski vod i da bi oni to tribali napravit,a ča bi to tribali napravit? zar za očistit oti kanal triba nji zvat,ne more grad?ne more kad je njijovo,a dobro,a kako je onda kad se pribacala cijev od kanala zbog izgradnje dvorane to radija neko drugi,ne oni,dobija san odgovor da je grad nji pita je li moredu to radit pa su jin oni dopustili,a dobro,a oli grad ne more sad pitat i za ovi kanal? e,(ali) sad eto drugoga problema,upravitelj pogona Čagalj,sada salazi doli do kanala i govori kako oti kanal nima gabarite za primit otu vodu (dubina 50cm – širina 1 metar)? a kako nima kad je otin kanalon ota voda i prije odila,pitan ja? ne,ne,ovi kanal nije dovoljan za količinu vode koja dolazi i to je to,ma čekaj malo (ovo ja sad dokle pišen razmišljan) ko je to od nas jučer koji smo tote bili moga doč do zaključka da oti kanal nima gabarite za skupit otu vodu? niko,ljudi tučedu velike škole za take proračune činit,tako da mi je ta brzinska izjava bila malo čudna,ali eto,bar san dobija odgovor da če se ništo provat učinit,a šta vidičemo…”

fotografija 2 (2)

fotografija 3 (1)

049

063

102

118

119

129

161

173

Itd.Itd.bilo je još tote ponavljanja od prije napisanoga…

Ispeci pa reci:

5 Comments add one

  1. ja mislim says:

    gadi mi se vise citat vijesti slusat vijesti gledat vijesti gadi mi se vise i komentirat
    svaki dan sve vise razmisljam o odlasku iz domovine a volija bi ostat
    ovo sta nam cine je sramota

  2. mudrajko says:

    Ne čudim se opčinarima več tebi pechina.
    Lani si u jednom tekstu na samome kraju napisa da ti viruješ u gradske vlasti da će to riješit?
    Vidi se. Stalo im je do nas.

  3. miritan i ja sta rec says:

    meni se cini da vodeci kadar misli da im je posal setat od prigode do prigode i slikavat se
    tebi se pechina cudin okle ti vise toliko energije za ovo ponovit cu ti opet ajde molin te u deveti misec se kandidiraj za izbore sve ce ti bit osigurano i plakati i reklame na radiju i televiziji miritas pokaza si svima kako se voli svoje selo…

  4. LiliHip says:

    I opet, mogu samo ponoviti ono što sam do sada o ovom pisao.

    LiliHip
    17/05/2017 at 01:21
    Što reći? Mogu samo ponoviti ono što sam i prije pisao.

    LiliHip
    14/02/2017 at 13:19
    Mene navodi na razmišljanje kako se ovdje radi o namjeri, jer izgleda kako je plaža Sokolana postala jedan veliki uteg glede izgradnje buduće lućice? Da-li se varam? Možda da,ali je čudno kako se u ovih nekoliko godina prešutno prešlo preko problema koji direktno utječe na zdravlje ljudi koji se kupaju u fekalijama?

  5. pcelica radilica says:

    Ovo je prestrašno kako niko ništa ne poduzima.
    Neće pechina niko dat ostavku.Lipo im je. Plača je dobra.
    Uvijek će pronaći nekoga kao krivca za sprati sa sebe ljagu…a mi bi im tribali povirovat?
    Treba samo pogledat malo unazad i vidit šta su do sadašnji dogradonačelnici iz sela napravili. Imala sam vjere u ove nove,ali se ona svakim danom sve više topi.
    Nego nisi ti sa dogradonačelnicom razgovara samo na gojači. Priča se po selu da je to bilo i šetnjom od Gojače do mula na kojem ste isto imali raspravu.
    I ja se slažem sa miritan i ja sta rec. Dajte ljudi kandidirajte se dosta je više da nam selo propada!

Komentiraj