Znate ono ča su jema petnajestak daan u onu ulicu navr stare zadruge stavili znak zabrane prolaza prema Kaštelanskoj cesti,pa se tako autan osin prema uzgor nije moglo ni prema Varošu,nego se moglo samo spustit nizdol i učinit krug pa iz sela izač tamo prema anbulanti?
E jema sedmicu daan da su to prominili,mekli druge znakove i dopustili autan da moredu prema Varošu i kroza Petrinu ulicu se dignit gori na Kaštelansku cestu.
Naravno,sad je opet problem navika,jerbo tri dila nji vozi ka ča je to prije bilo,kad sa ceste uđe u Petrinu,onda gredu livo,prema selu,neka je tote znak obaveznoga smjera da se smi samo desno,a i kad se gre prema livo uopče nima znaka zabrane da se tamo ne smi.

Najpri je to pri sedan daan bilo ovako,malo je bilo čudno vidit ove dvi strelice u plavomen krugu kad se zna da triba bit zamisto ova dva jedan sa strelicon pravo i livo.

Evo ovako ka ča je to na ovoj doli slici,a znak je meklo ima dva dana:

Na ovoj doli slici se vidi znak obaveznoga smjera prema desno:

A na ovoj doli slici se more vidit da vamo na livu stranu,prema selu, nima znaka zabrane, da se tamo ne smi: