Bile su to velike najave kako če u parku učinit dičinje igralište,a kad ono od toga svega je ispalo ovo.
Oni tobogan ča su ga,a sad če brzo i godinu daan odnili za popravit,još uvik nije vratilo,zato je gori blizu sjevernoga zida,jema več petnajst daan meklo niki drugi i to još kraj njega stojidu dvi jarpe zemlje ča su ji učinili kad su kopali za temelje ,govoridu mi da je polovni,ma kako polovni,a lipo poj vidit,a je, vidi se da je učinija „kilometražu“,ali sad meni ništo nije jasno,ako je ovde meklo polovni tobogan,a to onda znači da je več nigdi bija,pa ga je odatle donilo vamo,a jeli to onda znači da je tamo di je bija ovi meklo novi? Meklo je i novu gingalicu,ona stara je stradala pod naletiman balvani,dokle ljuljaške još nima.

Evo zbog ove rupe je jema godinu daan tobogan odnesen na popravak i još ga nisu vratili:

“Novi” tobogan:

Gingalica:

I dokle se u današnje vrime di se ko radi dičje igralište sve čini po JUS-u,upss,nije više jus,nego kako se zovedu novi standardi?jeli ISO? Kako se zvalo da zvalo igrališta činidnu po standardiman koje morete nazvat kako ko očete,ali sigurno, nikako vako kako morete vidit na slikan,nego se sve čini da dica tote budedu sigurna,jerbo oni ne moredu mislit na opasnosti koje ji vrebadu,tote smo mi stariji,da to činimo umisto nji i da jin prostor za igru učinimo šta sigurnijin,gumene podloge,sigurne sprave,ograde,koje če priječit da dite u igri ne izleti na cestu… ma vidi opet mene ča san i ja finčukast,sad mi smeta ča po par dan posli kiše dica moradu gazit po blatu (pa tako usput izblatidu tobogan po kojemu se spuštadu) i priskakačedu lokve za doč do koje sprave, ipak je ovo jedno veliko selo.

Ovde bi tribalo meknit koja vrata da dica ne izletidu na cestu:

Ovako to izgleda kad padne kiša:(stara snimka)

A ovako se to danas inače radi:

A onda usput na ovi drugi dijal parka mogli bi meknit stol za stolni tenis i popularno nazvani Indoor street workout kavez: