Ne ovi četvrtak i petak,več oni namo,prije ovi,semafori navr škole nisu radili biče možda dan, dan i po,samo je blinkalo žuto i odija san fičon Novin puten odozdala prema gori. A kad san doša do ceste bilo je veeliko pitanje,a ča ču sad? Oto kako nisu radili semafori,a triba san se uključit u promet za poč prema Gospici, mora san izač do pola ove južne trake vanka,za da bi vidija kako iz pravca Kaštili jema ili nima aut,za da bi se moga uključit u promet,a problem se pokaza ograda postavljena uz cestu sa južne bande ceste od koje se ne more uopče vidit jema li odo tamo koja auta. I odma mi je palo napamet kako bi gori sa sjeverne bande tribalo meknit ogledalo,pa san otega dana u priči doša do niki saznanji da bi se čak tako ništo moglo i napravit. Aj dobro,pustičemo malo za vidit ča če se dogodit,neču ništa pisat. I nije prošlo par daan i eto ti ogledalo,je da je malo đentilasto,da bi valjalo meknit koje veče,ali eto,dobro je i moran priznat daa, ča je,je iznenadilo me,kojon su brzinon reagirali,pokazalo se, da kad se oče,ne triba čekat nikakve studije kojiman se uvik izvlačidu,nego se radi po hitnomen postupku,upravo onako kako to i triba činit.