I dok u unutrašnjosti sunce moredu vidit samo na plakatiman u nas ovde isto ka da nije kraj jedanajestoga miseca,ljudi se golacadu ka da je kraj petoga miseca. Vidi ove turiste šta guštadu.

Ali to u Kaštiliman nikoga ne zabrinjava.

Jučera su nan na Rivu mekli dva svitleča baluna i bor,a na oto bora polak lanpic svitli,a polak ne. Eto san napisa. A usput ču za žuntu još dodat i kako nan sat na staremu kanpanelu još uvik ne radi.

E Mislave,a ča to činiš,a evo,okinilo je palme i ostavilo ovo ovako,pa ču ja pomalo ovo ostatka cipat,a lipi posal,je,je,dokle ovo činin cilo vrime spominjen onega ča ju je posadija,sigurno u lipomen kontekstu,aha,a ča si ovo praga izbija,nisan ja,to su oni kad su došli izdubst rupu za posadit stablo i nisu jemali di nego taman uz rub,pa je tako i prag izbilo,pa kad ovo završin onda ču oto praga vratit…

A šta ima da san pisa kako ovde di stojin kad pune malo jača bura odozgara od Kaštelanke,firme šta se bavi proizvodnjon papirnate anbalaže-vrič,počmedu letit retaji od karte i cili kvart jema sa njon posla,evo ja san iz vrtla jutros po onemu vitru uru vrimena odmotava,skida i kupija otu kartu koje jema di se ko okreneš.

Zvalo me jutros da tamo di je oni nadvožnjak navr jugovinilove štrike kraj Osnovne škole pod naletiman bure grane od bora gratadu po stupu i kabeliman o struje,pa bi ji bilo dobro ispilat da se ne dogodi dežgracija.

Prije:

Sinoč je Spliska Torcida povodon 29.godišnjice pada Vukovara napravila kolonu sječanja od početka Vukovarske pa do murali na Sučidru,uz povike Vukovar,Vukovar…,Škabrnja,Škabrnja…,a na kraju su zapivali pismu Poljubi zemlju po kojoj hodaš,nakon čega su se mirno razišli.   Inače sve ove murale napravljene u Vukovarskoj ulici, koji prikazijedu razaranja, događanja,patnje… stanovnika Vukovara u koje je uloženo puno truda, ljubavi,vrimena i strpljenja učinili su članovi Spliske Torcide,a puno nji je nacrta Raketa.