Nakon deset godin održavanja ovoga sajma u marini hotela Lav,ove godine se to dogodilo u Marini Kaštila. To je sajam na kojemu izlažedu oni mali brodograditelji,a uz koji jema i razni novitadi vezani za guštanje na moru,evo npr.moglo se vidit i dasku za srfanje kojoj više ne triba jedro,več ispod jema propelu koju pokreče velika baterija koja dura uru vrimena,pa onda daska koja jema dvi stope i stepanjen po njiman…

Ka ča svi znate sinoč smo u Mjesnomen Odboru jemali vanrednu sjednicu na kojoj smo raspravljali o novonastaloj situaciji nakon dobiveni računi od Zelenoga i Modroga. Je bilo malo buke,žučne rasprave…,ali jednoglasni zaključak (prisutno 7članov od devet) je da se Gradonačelniku uputi zahtjev za hitan sastanak na kojemu če bit prisutni Gradonačelnik,direktor Zelenoga i Modroga i svi članovi Sučuračkoga Mjesnoga Odbora. Dogovorili smo se oko prijedloga koje čemo na sastanku…

Ovo stablo doli na Rivu je jedino ča još nije zazelenilo,a govoridu mi ovi sa rive da su milijun puti rekli da ga okinedu,jerbo od njega nima ništa,ali su dobili odgovor da ima naznak kako če ipak zazelenit. I je,evo na slike čete vidit kako su bili u pravu,ne oni prvi,več ovi drugi. Evo,to je ota mladica ča je ovi sa ščapon pokažije:

Danas okolo dvi ure gori na predjelu Krknjač cisterna za rasuti teret naletila je na pješaknju.

Odma na početku,ono ča san jučera napisa da smo mi ka oporba prema presjedniku Mjesnoga Odbora išli sa zahtjevon za hitnon sjednicon zbog situacije oko računi od Zelenoga i Modroga,dobili smo odgovor da če se sastanak održat u ponediljak,pa ko ča jema,kad me vidi u selo neka mi reče. Jučera ja na Rivu,a oni me odma otpremili prema biloj zgradi,a ča je sad,ajde tamo isprid kancelarije od Zelenoga i Modroga…

Pridučera je jedan na rivu diga veliku graju pošto je dobija račun od smeča od Zelenoga i Modroga i govori da mu je za devedesatak posto veči od dosadašnjega,a pošto je jedini od nas koji smo tote bili dobija račun,nismo ga ozbiljno ni svatili,mislili smo da laže,a on vadi račun iz žepa i sa njin maše,evo na, ča lažen, bip,biiip,bip,biiip,bilo je beštimlji i zvanja na mobitele doma za vidit je…

U ponedijak 18-toga san doli na Sokolanu slika kako je iz onega potoka ča izlazi na plažu na Sokolani izlazilo ništo gadne kafene boje,sa nikiman komadičiman,koje je bome,lipo vonjalo,nije cilo vrime,ali se jednu petnajestak minuti lipo osječalo. E a onda je sutradan 19-toga na službene stranice Grada Kaštili izašla obavijest u kojoj piše kako su iz VIK-a obavijestili da je 18-toga prilikom čiščenja vodospreme u Kaštel Sučurcu došlo do zamučenja…