Puno toga okolo smeča u nas nije jasno,a ovo najnovije ča ljudi nakon samo par miseci ča su to potpisali sa Čistočon,sad opet na kučne adrese dobijedu nike druge ugovore,ovi put od Zelenoga i Modroga je napravilo takvu zbrku da je to strašno. Možda če nan nešto jasnije bit sutra poslin Gradskoga viječa na kojemu če jedna od točak bit upravo Zeleno i Modro koje bi u Kaštiliman tribalo priuzest…

A odgovor je prilično jednostavan. NIKOME! Evo jema več tri miseca da se oformija ovi novi Mjesni Odbor,a mi osin odgovora od presjednika da če bit problem okolo upisivanja imena Lorena Šulentića na spomen obilježje,ništa drugo nismo uspili saznat. Zašto je sve tako tromo i događa se puževin korakon neznan,ali znan da ne more više tako. Evo najbanalnija stvar koju san pri pedesetak daan pridložija da je triba učinit ni…

Od kako se u jedanajesti misec počelo sa stavljanjiman kontejneri za glomazni otpad u Sučurac bi to tribalo bit prvi i treči ponediljak u misecu. I ovi ponediljak fermaje mene jedan pa me pita da koji je ovo ponediljak u misecu,a gledan sad ja našto ovi cilja,a on če meni,da po onomen koliko on zna računat ovi bi kontejnejar za glomazni otpad triba doč u drugi ponediljak,a ne ovi,a je,dobro…

Danas okolo pet uri popodne na semaforu kraj vatrogasac dogodila se prometna nesriča u kojoj je stradala žena iz našega sela koja je prilazila Magistralu. O tomen kako se to dogodilo neču,ipak je to čulareklakazala,a šta je i kako je to zapravo bilo, utvrdit če istraga. A dok je na Magistrali traja uviđaj,selo nan je bilo u prometnoj blokadi,aute su u koloni lizle.

Da je ljude teško natirat da prominedu svoje životne navike to svi znamo,pa tako puževin korakon ide i prilagođavanje na novi režim odvajanja smeča-otpada i u postociman je malo oni koji to radidu,ali da malo pogledamo kako to radidu oni koji nan cilo vrime govoridu da bismo to odvajanje tribali činit,čak nan se u budučnosti spominjedu i nike kazne koje bi se nesavjesniman-koji nebi odvajali,mogle naplačivat,ali se ne spominjedu nikakve…

Slike od jučera: A evo samo pedesetak metri dalje more nan je ka cakal:

Jema več niko vrime,a i jutros je isto tako policija zaustavljala ljude koji su prilazili cestu tamo kraj bivšega stajališta od “Duje”.Ovome jutros ča san s njin razgovara samo je uzelo podatke i pošto mu je prvi put proša je sa opomenon,a ponovni isti prekršaj povlači za sebon i kaznu. Pošto su tote stacionirana dva dučana sa meson,pekara i velika samoposluga cilo vrime na tomen potezu priko ceste prolazi puuuno…

A je li bi,kad bi ja zamisto u koje zimovalište iša npr.na Bora Boru to momen ditetu isto važilo ka opravdanje? Ali ajmo ča po redu. Ka ča znamo jedina je naša,Spliskodalmatinska županija počela sa nastavon,rezultat je to ča su naši učenici ovo lito sedan daan duže ostali doma,pa sad moradu nadnoknađivat. E sad, je li ovo lito baš tribalo,oli nije, produžavat praznike,kad kroza deveti misec znadu učinit puno lipe…