Več san bija pisa o problemima stanovnikov Nove ulice kroz koju se zbog lokve uopče ne more prolazit. A tribalo bi eto, za prvu ruku,dokle se ne asvaltira, samo malo prema jugu bageron ostrugat pa da ota voda gre prema nizdol. Ovako to izgleda: A sa suprotne strane,susidna ulica Put vitrenice ima slične probleme. Za razliku od onega prvoga problema,ovi se more riješit nasipanjen žala,tako govoridu oni ča tote stojidu,da…

Ono šta je vidljivo okle  kreče ova pusta vodurina je ovo ovde misto ča čete ga vidit na donjoj slici,a sad je li u okolini jema još diko nevidljivo vrilo neznan,ali je vidljivo da ove puste vodurine jema svugdi okolo,a sad je li to zbog nemara i nečiščenja kanali kroz koje ota voda triba odit neka pogledaju nadležni,ali neka to ča pri napravidu,jerbo je ovo strava. Na ovima doli slikan…

Evo na,nakon četiri godine Rišič je opet provrija i naravno,opet je beskoristan oni podhodnik za pješake kraj vatrogasac koji bi triba zbog sigurnosti služit da oni ča tribadu iz gornjega dila sela prič u donji dijal sela i obratno ne gredu priko pet trak nego sigurno ispod nji. Toliko o tomen da je oti prolaz napravljen radi pješaci,kad svi znamo da je zbog vode. A da se bilo napokon uvatit…

Znate ono ča su jema petnajestak daan u onu ulicu navr stare zadruge stavili znak zabrane prolaza prema Kaštelanskoj cesti,pa se tako autan osin prema uzgor nije moglo ni prema Varošu,nego se moglo samo spustit nizdol i učinit krug pa iz sela izač tamo prema anbulanti? E jema sedmicu daan da su to prominili,mekli druge znakove i dopustili autan da moredu prema Varošu i kroza Petrinu ulicu se dignit gori…

Nakon snježni padalin i leda, došlo je na red zatopljenje i kiša,pa je pad tlaka zraka donija plimu tako da se more podiglo i u petak poplavilo dijal Geta…

Ova ledena idila nalazi se na samo petnajst minuti od našega sela:

Ovako je to jučera cili dan-sve do uvečer u užemu dilu sela bilo,leda ka u priči: Ove dvi doli slike su kad se gre spuštat preme Kajinomen brigu: Ovo je južno od knjižnice: A ove tri slike doli su iz Varoša-glavni koridor di dica prolazidu kad gredu i vračadu se iz škole:

Napalo me nikidan da kako san moga nako napisat: “Eto,ja toliko,jedva čekan ote pahuuulje,čuja san da su naši u Kaštila i u Splitu za snig spremni,tako da če bit zanimljivo za oto vidit.” Pa je onda oti isti nastavija,da kako ja to znan da ovi put u Kaštila neče bit sve kako triba,vidi da su oni to ozbiljno svatili,stožer navrime oformili,sve zadatke podilili,a ti onako. Slušaj ti,pazi vako ča če…