E,a sad tučedu po meni,a jesi ji nikidan pofalija,a,to ča jema šest daan nima priobučivalice ništa,samo ji ti fali,asti,a ča san ja bidan kriv,a mora san ji pofalit kad su odma isti dan došli. To ka oni neznadu da je ovde puno svita i da se nimamo di priobuč,eno,neka skinedu onu priobučivalicu ispod Đardina i pribacidu je ovde,a kad u deseti misec bude ova razbivena napravljena neka je meknedu tamo,bitno…

Jutros je u organizaciji Oldtimer moto kluba Adria iz Sučurca upriličen dvadeseti po redu susret oldtajmer motori.

Oliver je pokaza svima onima ča mislidu da su ništo, kako je veličina čovika, ma kolika zvijezda bija u tomen da ostaneš uvik oni „mali“,a Split je sa onin ispračajen jučera pokaza koliko se to cijeni. Jedna ženica,biče jema okolo devedeset godin, stoji tamo kraj Svetoga Frane uza željeznu ogradu,zvizdan tuče,tamo sa suprotne bande nikoj ženi u biloj vešti,je došlo slabo tako da je u tu bilu veštu sela na…

Na staromen placu od Ajduka u nediju je bija zanji dan četverodnevne izložbe od pasi,jubilarne, jedanajeste po redu, na koju su došli natjecatelji iz cilega svita, sve skupa biče i okolo dvista pasmin od koji jema i oni egzotični ča ji u nas ne morete baš svakodnevno vidit. A koji je to samo biznis okolo pasi moglo se vidit po dudan,pelenan, šuškalican,ogradican, koliciman,hodalican,hranilican,krevetičiman,dekican,lancuničiman,lakoviman za dlaku,nokte… koje pasi koristidu.

Sinoč se dogodilo da je Misec bija u zemljinoj sjeni,ča oče reč da je bila pomrčina Miseca i to totalna, koja je trajala prilično dugo,cili uru četrdeset i dvi minute i pedeset i sedan sekundi,dok je Misec za oto vrime bija crveno opituran,a sveukupno,od početka pa do kraja pomrčine prošlo je cili tri ure i pedeset i četiri minute.

Svake godine, nedilju posli Gospe od Karmena,nakon održane mise iz župne crkve Uznesenja Blažene Djevice Marije rogoznički vjernici sliku Gospe od Kapelice-zaštitnicu Rogoznice, procesijom vračaju u Gospino zavjetno svetište na polotok Gradina,koje se nalazi sa suprotne strane Rogoznice,a do kojega ljudi okolo cile vale idu brodican, nanoge,a ima oni ča činidu pokoru plivajuči(jemali smo i dvi plivačice iz sela). Tu se onda u svetištu održava Sveta misa nakon koje slika…

Niko se sitija pa je reka da je to napravljeno kako bi spriječili seksizam u nogometu,a onda se postavlja i logično pitanje,zašto to onda nisu odma napravili,nego tek tamo nigdi pri kraju prvenstva?  

Ono kako je nikidan u Splitu bija doček za dijal srebreni reprezentativac,svako vuče na svoju stranu,ovi jedni kako je Ivaniševiću bilo puuuno više svita i brodic nego nikidan nogometašiman,a ovi drugi govoridu obratno,a sad komen je bilo više najbolje če pokazat slike,evo na i od jednoga i od drugoga događaja pa računajte. Ivanišević: Igrači: