A sad čemo malo o Sučuračkoj povijesti koja je vezana za Cvitnicu. I trevija tako ja gori na Putaju jednoga našega miščanina i o čemu čemo nego o povijesti našega mista, pa smo se vratili tamo u daleku 1596 godinu kad je Uskočka vojska na Cvitnicu sa stanovniciman Kaštili i Sučurca osvojila Klis iz Turski ruuk,a na čelu in je bija Spliski plemič Dr. Ivan Alberti,general Juraj Lenkovič,Biskup iz Senja…

Jučera su Sučurački vjernicu učinili Križni put od Gospe na Hladi do Jurijeva. I dogodilo se to da kako smo se više penjali iz pravca sela se sve jače čula muzika ča je dolazila iz pravca jedne sporske manifestacije ča se je doli događala,bilo je to vrlo čudno,svi su se gledali,okričali okle ta muzika dolazi,pa je bilo kako moredu ovako,ovo je bezobrazluk,kako ji nije sram,ali kad se malo bolje razmisli…

A ča je mašo,mašo je, kraj trečega miseca dlakicu se naoblači i eto sniga. Ako nastavi ovin inteziteton onda čemo ujutro imat veeeeliki problemi. U odnosu na onega nikidan ovi je prilično mokar,ali zato padadu lipe pahulje ,sriča eto da bar zasad tenperatura nije u minusu pa nebi tribalo bit smrzavanja,ali pusti ti stat,ko zna ča če do ujutro bit.

Reče koko,da san okasnija,jučera je to bilo,a ako čemo po njijovu onda nije bilo ni jučera,več pridučera,pa ako više nima proliča na njegov prvi dan,nego dan prije,a zašto onda ja od njemu nebi pisa dan kasnije?E vidiš ti ča ti je nauka,još jednu stotinjak godin biče ovako jer se to gleda prema proljetnoj ravnodnevnici,a to je dan u godini kad noč i dan jednako trajedu,šta oče reč da zemljina OS…

A evo,kad su se svi uspi.dili o toj Istanbulskoj konvenciji onda gren i ja čako pametno od njoj reč. I ča sad trenutno jemamo,a jemamo one ritke ča su otu konvenciju pročitali,one ča su je počeli čitat,pa ji je odma na početku štufalo i fermali je čitat,oni ča govoridu da su je pročitali,a nisu,oni koji mislidu da su je pročitali…,a na samomen kraju jemamo i one koji je uopče nisu…

Iako se okolo tobogana di je ležala lokva i činilo se blato,posulo žalo,lokva je i dalje prisutna.

Jema nikoliko daan da je spomenik poginuliman braniteljiman doli na rivu osvanija opasan žicon i naravno,kako to več u naše selo gre,uvatija me ovi jedan,a ča je mučiš,a,a ja ga gledan,neznan o čemu se sad radi,a jesi vidija ča su učinili sa spomenikon?pita mene ovi,a kojin spomenikon? a onin o branitelji isprid Bobisa,a ča,oli su ga napokon podigli da nije na podu? je,je i više su vrimena potrošili,opasali su ga…

Odma na početku ču copy paste sa konferencije za novinare na kojoj su govorili članovi Sučuračkoga Mjesnoga Odbora Sandra Zokić,Zoran Bonacin i Damir Rajčić,a ča se u deveti misec 2012 godine moglo pročitat na Sučuračkomen portalu,sa naznakon da je onda Gradonačelnik bija Josip Berket kojega su cilo vrime napadali da nije napravija ovo ili ono,a od svega onoga šta je na otoj nazovimo konferenciji rečeno, ovde ču izdvojit samo dijal…