Sučurani se evo danas drugi dan ne moredu načudit da su dvoje komunalni redari,jučera cilo radno vrime,danas ništo manje od toga,dobili zadatak da “čuvadu” kontejnere,da triba kažnjavat one nesavjesne sigurno se ne slažedu baš svi,jerbo oni ča nerede činidu sigurno neče protiv sebe ič,ali velika večina je za to,a to da redari ovako stojidu kraj kontejneri da ji svi vididu,to je isto ka kad bi lupež iša opljačkat banku,iako nedaleko…

Svi znamo da je nered sa smečen koji se ostavlja isprid polupodzemnoga kontejnera koji se nalazi kraj stare škole naša svakodnevnica,samo je pitanje u nijansama,očelidu danas privladat crne vriče,oli če bit više šareni kesic ili oče li to bit mala jarpica,jarpa,jarpetina,oli brdo smeča ka ča san to sinoč slika. Kad če doč kraj ovomen neredu,svi se pitadu i oni koji nered činidu,a mislidu da se nezna da su to oni,ka…

Daj učinite štako da nan dica ne kisnedu dokle čekadu autobus,bilo je svakodnevno ponavljanje,a kako smo vidili da se ništa ne događa jema več i tri miseca,niko govori i četiri,a ima ji šta su puno dalje išli u vrimenu koje je prošlo,a da se u otoj čekaonici ne moreš od kiše sakrit,pa smo Željan i ja jučera učinili jedino ono šta smo trenutno mogli,pa da dica,ka i ostali miščani koji…

A po nikoj logici, ka i svaki slični kanal,oliti ga šahta,pa tako i ovi,triba bi imat funkciju sakupljanja vodurine u ovomen slučaju,one šta gre put podvožnjaka u Vriliman,naravno,oto,šahta služi za sakupljanje vode, je još niko odavno izmislija,ali da bi kanal-šahta otu zadaču za koju je i napravljen,moga ispunit,oti kanal-šahta triba bit prohodan-čist,a na to se u Vriliman još od davni vrimen zaboravilo,ovde je oto kanala-šahte ča je učinjen priko cile…

One skaline nasuprot kafiča ča se nalazi ispod Tomija klizave su i kad su suve,a kad padne kiša,onda pari ka da ste na ledu,a to san ono ča se reče, osjetija na svojoj koži,samo ča san bija učepija na gornju skalinu,najedan put san odletija i štropošta se sve do najdonje skale,kakvi glupi osječaj,ali uspija san proč lišo,ustvari spasija me mobitel koji mi je bija u zanjemu livomen žepu i tako…

Prošlu nediju gori na groblju kad je bila misa iako jema parkiralište i doli i gori na ploče,aute su se ostavile uz južni dijal ceste,a da oni znak zabranjeno parkiranje i zaustavljanje tote nije zaludu meklo,je dokaz, kako mi je reka ovi šta mi je da slike,nazovimo ga Tonči,da je vatrogasna cisterna dvadesetak minuti bila u blokadi,nije mogla normalno proč,sriča da je vozila vodu za ljudima napunit čatrnju,e i sad…

Ferma me jučera ovi jedan šta stoji na Podvorju pa mi govori,da bi one vriče sa nulon šta su jin tribale kad je plavilo more,odnit ča i da je niko od stanari zva doli u opčinu za da oto odnesedu i da jin je reklo da neka se strpidu,da jema puno nji na bolovanju,samo jedan kamijon…pa da bi to mogli za dva miseca učinit,a govorin ja njemu,a čekaj malo,a zašto…

Satralo me u petak,zovu sa svi stran,da jeli vidin ono prašine ča se diglo iz ove naše Sučuračke cimentare,a je vidin,upravo slikajen,slikaješ,a da kako me niko ne vidi,a kad san na tajnomen mistu… U selo je velika panika,jerbo se zna kako se još tamo od dvanajestoga miseca na obali od cimentare uskladiščuju ogromne količine troske (šljake) i to one iz Sjeverne luke,oko koje se učinila velika bura i stanovnici sa…

Jučera ujutro na našoj rivi je bilo prilično živo,dica su guštala jer je i Rico uveliča učlanjivanje u našega Ajduka,jema ji ča su brontulali kako je Rico tako rano doša i samo uru i kvarat sta,ali triba reč da se,ono ča se reč, vodila bitka da Rico dođe,jerbo je u isto vrime triba bit na dva mista,pa je zato doša u devet i u deset i kvarat iša ča,ali je…