Znate ono nikidan kad san priča da se je na Brižinan počelo sa radoviman rekonstrukcije ceste i spomenija da tamo sad ljudi jemadu problema? E,a problem i nije baš tako mali,jerbo sad po novomen kad se sa južne strane digne zid ljudi više nečedu tote moč parkirat aute,tako da če puno nji bit u velikiman problemiman,a mi ka Mjesni Odbor ovega našega sela smo tu da kad ljudi jemadu niki…

Ovu nedilju rano ujutro okolo dvi ipo-tri ure,kako su mi ovi muž i žena pričali u kuču jin je počelo ulazit more,a oni su samo bespomočno gledali i micali ča se moglo,da bar eto,šteta bude ča manja,čak je ljudiman i u aute more ulazilo,ali neču puno više o ovomen pisat,evo ču sad i u buduče samo Copy paste,pa evo opet ono ča san lani u treči misec o tomen pisa,samo…

Svake godine drugoga veljače na Sviječnicu u Američkomen gradiču Punxsutawney bude tako živo da se brojka od šest iljad stanovnika diko zna popet i na trideset iljad jerbo se sa svi stran sjati puno svita naravno uz sedmu silu koja oti događaj nikako ne propušta,a razlog tome je za vidit oče li najpoznatiji svizac i “meteorolog” na svitu Phil ugledat svoju sjenu. To je tradicija koju su davne 1886 godine…

Uvatija se Vili žestoko tuč po onemu panju od palme i naumija ga je skresat na desetak centimetri ispod zemlje. Tija je on da ovi ča su palmu ispilali idedu još malo doli,lipo jin je on to okolo okopa,ali tehnički jednostavno nije bilo izvedivo,eto,bar su mu odozgara to na fite nikako iskidali,a onda se Vili uvatija mašklina i počeja po tomen tuč,a mašklin odskače ka da u gumu tuče,a sa…

Cemex je na površinama okolo oni zgrad na Gospici uklonija ostatke od palmi ča ji je napala Palmina Pipa i usput su još ošišali onu jedinu ča je još ostala,a kad se ispilala prva grana jemalo se ča i vidit. I otu ča izgleda zdravo je isto tako napala ota Pipa,a stručnjaci su govorili da je odote dvi jedna bila muška,a druga ženska palma,a da ota Pipa,neznan sad koju,ali napada…

Puno toga okolo smeča u nas nije jasno,a ovo najnovije ča ljudi nakon samo par miseci ča su to potpisali sa Čistočon,sad opet na kučne adrese dobijedu nike druge ugovore,ovi put od Zelenoga i Modroga je napravilo takvu zbrku da je to strašno. Možda če nan nešto jasnije bit sutra poslin Gradskoga viječa na kojemu če jedna od točak bit upravo Zeleno i Modro koje bi u Kaštiliman tribalo priuzest…

Tamo na Brižinaman su postavili signalizaciju i radovi na rekonstrukciji ceste moredu počet. Čuja san ništo u kuolariman kako pojedinci ča tamo stojidu negodujedu okolo rješenja donje bande korniža i zida,trčalo se vamo-tamo,zvalo se na telefone…

Nakon ča se je sredila dionica od Gospice do anbulante od sutra-ponediljak tribali bi počet radovi na daljnjoj rekonstrukciji Kaštelanske ceste,ali ovi put to neče bit po redu,več priko reda,tako se kreče sa radoviman rekonstrukcije od istočnoga ulaza u Sučurac,pa do raskršča za Emezetu. Koliko če trajat radovi? Sam Bog zna. Znamo kako je to bilo od Gospice do anbulante,a ovo je nako odoka, duplo veča dionica,pa ako ne bude…