Jučera san nakon dugo vrimena iša gledat Ajduka i Dinama,proradija je u meni “oni dišpet”,a po tomen da je stadijon bija do zanjega mista ispunjen očito je da nisan jedini. Neču sad o utaknici (to ču sutra),sad ču o jednomen natpisu kojega su jedna od one dvi grupe Dinamovi navijači razvili ka transparenat na kojemu je pisalo “DABOGDA OPET IGRALI NA VISU”,a najpri čemo pojasnit malo o ove dvi grupe…

Evo ovako je to bilo u Podstrani na Dan proslave Oluje di su okupljeniman pivali Miroslav Škoro i Mate Bulič. Da ja puno ne govorin pogledajte slike,jer i tako se reče da slika govori iljadu besid.

E,a ovo kako na oviman slikan izgleda je veliki problem,ono turisti ča je u selo došlo i kojiman je Sokolana hit samo se kupidu sa plaže ča,a i našiman nije baš svejedno,jerbo se nezna ča se sve krije u ovoj muteži ča iz potoka izlazi vanka,a plaža koja je cila mutna,bi se nakon nikoga vrimena kad se sve vrati u normalu opet tribala razbistrit,s tin da če ovo kafenilo past…

Sutra,u subotu, maškare na Barbarincu činidu feštu i to koju, biče mukte jiča i piča koliko ko morete sa sebon odnit,naravno u drobu,a močete i zabalat, sa muzikon uživo,a kako se do tamo pribacit?lipo,kako ko, koko če sa buveliman-koliman,niko sa luftičiman,a jema ji ča čedu i sa plastičniman brodičiman,kajičiman,gajetan,,jahtan…,a i maškare su osigurale prijevoz,tako da u jedanajst uri i u podne sa Mula jemate brod koji če Vas tamo odvest,a…

Sinoč je na rivu u organizaciji Jadranovi veterani bila fešta na kojoj je bilo za izist,popit,moglo se i zabalat,oni malo sritniji su dobili i na lutriji…

A ča je ovo sud svita,ajme ča nas je ovo snašlo,ljudi gredu ulican ka muje bez glave,neče ovo na dobro završit,ne,ne. Gledan danas u Split jednoga na rivu gre naprid,pa se vrača nazad,pa sad trče ukoso,pa opet gre nazad,pa je zamalo opizdija u kandelabar,pa se uvuka između šentade i betona,pa je onda puza pa je onda…a niman ja volje toliko pisat koliko je ovi u malo vrimena pizdarij učinija i…

Evo je završija i četvrti po redu Ultra festival na Splitskomen Poljudu i sve je prošlo u najboljemu mogučemu redu,reče koko da kako,a lipo,jer kad na jedno misto jemate okolo stopedeset iljad mladoga svita i to u godinama u kojiman ti u životu na pamet padadu največe pizdarije,a došli su iz stočedrdeset i tri države ove naše Zemljine balote,značii,na jednomen mistu u jednomen gradu koji broji stosedandeset i osan iljad…

A smišno mi je oto ča se počelo jema dvi tri godine po pojediniman gradoviman,opčinan,mistiman… usvajat,a Split je to jema par miseci učinija. Užon graskon jezgron se ne more nedolično obučen proč.Ma vidi ti čega smo se dositili.Najpri se plakalo da je Split tranzitni grad i kako se furešti ne zadržajedu,pa kad se napokon dogodila expanzija od turisti i ljudi nakon zatvoreni fabrik našli način za priživit kroz iznajmljivanje, (puno…