Neki govoridu da se nima više šta čekat,dok drugi kalkuliradu,pa jema oni ča jin je gradacija na one ranije sorte okolo 23,pa do oni ča bidu još malo pričekali, jer baš sa sladoron i nisu zadovoljni,ali opet,nisi pametan,ko zna ča če bit sa vrimenon, i nikidan je sa kišon bilo krupe,a ovo i je njen zeman,a onda s druge bande,ako večina nji obere onda če tice nebeske navalit namo di…

Nikidan je na Zapadnoj obali bilo prilično svečano,četvorici dobitnika olinpijski medalj iz Splita su otkrivene ploče na šetnici od olinpijac,pa je tako jedan od govornikov reka da u Splitu znaš da si u sportu uspija onda, kad po tebi gazidu i pljujedu,naravno,mislija je na ove ploče po kojiman se gre.Tako su na stariman pločaman uz dobivenu medalju na olinpijskiman igraman u Londonu (zlatna) nadopisana i medalja iz Rija (srebrena), vatrepolisti…

I to kako pada,ka da maštiliman prolijedu,a ovo pri dva dana je bilo i krupe i lanpanja i grmljavine tako da je zapalilo gori navr Kozjaka i na Marjanu i to je par puti lipo buglo,govoridu da je opet u kanpanel,a ovemu jednomen su stradala dva telefona i ko zna koliko je još komen šta od elektronike stradalo,a drugi put kad počme grmit istikajte oto osjetljivi uređaji,i to ne na…

Priča selo da se Željan Jurlin več počeja pripremat za lokalne izbore ča če se u Kaštiliman dogodit dogodine u peti misec i da jema več tri dana da po selu šetadu niki sa kameran i mikrofoniman i klapalicon,znate ono klap,peti put,šesti… put,pa vatadu prave momente,po noči,po danu,u svitanje,pa u zalazak… A zva san Željana na mobitel i cilo vrime mi govori da san zva nepostoječi broj,tako da nisan uspija…

Điron po gradu je sve bilo uobičajeno,turisti na svakomen kantunu,ulični svirači nas zabavljadu,ljudi šetadu,rivon šeta i”Sveti Duje” i dici dili bonbone,voda iz “šipka”, za divno čudo teče u centar od pirije,ribice u moru su navalile, svaka na svoj dijal…i osin provi mužike sa pozornice na rivi ništa drugo nije nagovještavalo ča bi se tote moglo dogodit,a onda su tamo pridvečer, malo po malo počeli pristizat ljudi,sa zastavama,stranačkin obilježjiman,tamo u okolniman…

Baš san se sprema za pofalit kako su na ovi novoasvaltirani dijal Starčevićeve mekli četiri ležeča,ka i na oni dijal priko štrike (3),a i vamo na ovi stari dijal isto (3) i ča se dogodilo,ovega navr kuče je danas mečalo kad nisan bija doma i naravno falili su,je su oni mekli sa jedne i druge bande prolaze za vodu i ovon donjon bandon ništo slabo prolazi,ali se na oko vidi…

A najpri su se na rivu skupili,pa su onda kroza selo učinili điradu,nakon čega su se takmičili ko če brže proč između čunjev u čemu je pobijedija Marko Kukić iz Zagreba sa bilin automatikon i ka nagradu dobija šanpanjac i dvi litre benzine (mišavine od 3%),pa su onda uz čunjeve vozili ko če sporije u čemu je pobijedija Jurić Jurica iz Stobreča, na automatiku A3 i ka nagradu isto tako…