Ka ča znate ovu nediju su u Kaštilima održani izbori za Mjesne odbore na koje je u naše selo izašlo samo okolo dvanajst posto,a u cila Kaštila okolo deset posto glasači,e i sad opet priče da šta napravit pa da se svit nikako natira da učine ono šta mu je dužnost?pa se spominjedu skandinavske zemlje i da bi i u nas tribalo za one ča ne izađedu na glasanje uvest…

Jučera je u organizaciji Udruge Sunce okolo dvistotinjak Spličani povodon dana bez aut na biciklan učinilo đir od Banovine do Žnjana dug oko devet kilometri,a cilj ovoga je bija ukazivanje na nedostatak biciklistički staz ka i o skupoči karat na trajektima za prijevoz bicikli na otoke zašto su kad su prolazili kraj trajektne luke zvonili sa zvonciman. A kakvi problem imaju Sučurani-biciklisti koji su svaki dan u sve večemu broju….

U Podstrani na plaži Strožanac u petak je počelo,a danas se završava finale evropskoga Jet Ski Kupa pa ako neznate di čete pojte povirit,a ako van se ne da pogledajte slike pa možda dobijete želju.

Tija je da ako mogu stavin ovu sliku. Odma na početku,ako ko ima šta za komentirat neka to učini danas jerbo ču ko bude sutra i prikosutra na izbornu šutnju pisat komentare to izbrisat. Evo nan se približaje nedilja i izbori za Viječa mjesni odbori,a sve je nikako tiho,reka je jedan kako ispada da se baš puno ne želi talasat jerbo kad izađe ka zanji put okolo petnajestak posto birači…

I ovu godinu Marina Kaštila bila je domačin međunarodnoga projekta nazvanoga “Mirno more” di se okupilo o 900 sudionika iz osamnajst zemalj na sto i četiri jedrilice. Ovo je ljubilarna dvadeseta godina po redu da “Mirno more” – udruga za socijalno pedagoške projekte koja je u ono vrime osnovana da bi omogučila dici iz ratnoga područja bivše Juge jednu sedmicu mira bez svađe, opasnosti i straja. Sa „Mirnin moren“ se…

Jučera je na Gojaču na one sjeverne skale kraj tuša meknuta tabela o zabranjenomen kupanju. Bija san danas vidit i na Sokolanu,tamo nima nikakve tabele zabrane,a jema ji bar dvadesetak ča se kupadu. A je li koko zna ča je tamo sa moren?

Danas okolo dvi ure more isprid naše rive bilo je skroz bilo.Odma me podsjetilo na ditinjstvo kad su moren plutale bile fleke od klore iz Jugovinila koje bi mi tirali tako da smo skakali takozvane bonbe,a namo di nisi moga skakat uša bi u more pa bi nako par puti manija rukan pri nego ča bi zapliva. E,a od čega je ovo danas bilo bilo??

Mikrobiološki pokazatelji zadnjin mirenjen kvalitete mora pokazali su da na Gojači jema Escherichije coli i ne preporuča se za kupanje,a danas kad san učinija đir priko Gojače pita san kupače da je li znadu za to i večina nji je slegla rameniman,a bilo je i pitanji da kako niko nije meka tabele tako da se zna. E sad recimo da su ovi naši u selo to i mogli znat,ali jema…

Jučera ujutro u polje od Bratinčeviči u Doljaniman otvorila se je rupa, ako nije na isto misto,a onda je +- koji metar gori ili doli isto ka pri,a biče od toga prošlo i više od dvi godine kad se na to misto isto tako otvorila rupa. Kako su mi očevici rekli to jučera je ništo kafenkasto smrdljivo ka u potociman teklo ulicon i slivalo se sve doli do ceste,a po…

Ja gori,a on sa lopaton u ruci i privrača blato koje ga je deboto pa zatrpalo. A ča je? čuja san u selo da te malo poplavilo? a je dlakicu govori i kažije mi kučicu ča mu služi ka skladište za razni materijal,a unutra puno blata.Nije to ništa,govori mi,a da vidiš kako je to bilo jučera.E sad prolazimo kroza maslinik,a pitan ga ja da kakva mu je ovo kaki boja…