Evo je stavilo novu djevojčicu na ona dva “silosa”,a za razliku od one prije ča je bila od late i pod naletiman bure se iskrivila ova sad je od onega broskoga lamarina tako da ako se čako nepredviđeno ne dogodi duugo duuugo godin bi ona tote mogla učinit.

U nedilju je u našoj župi sedandeset srednjoškolaca-srednjoškolki primilo Sveti sakramenat Krizme.

Napalo me danas u selo da ča san ferma pisat o onemu problemu na Gojaču di se vozi autan i motoriman ka da su na reliju,dogodiče se tragedija i to velika tragedija, triba ovde hitno stavit zid.A ča bi ja triba,koliko puti san o tomen pisa,a i da san prijedlog o ranpi kojega san “prepisa” kako su to učinili na Žnjanu,a to ča koko ne svača problem,pa šta ču ja,evo…

Ovako je to bilo u raspravi ča je bila tamo u prvi misec: 21/01/2015 at 23:59 (Edit) A Željane di če maknit dalje od ceste kad je bilo tik uz rub o rive,a oni tuljak namo ča stoji za lipit plakate je, nije deboto na cesti,nego po crtaman ča ji je niko odavna crta za obiližit kraj ceste vidi se da je stavljen u samu cestu. I on ne smeta?evo…

Iako je učinija lipi dan na Svetomen Juri danas i nije bilo baš ništo puno svita,ali oni najvjerniji su uvik tot. Inače,zanimljivost je da se danas na Juri iz kadilice čutija vonj od tamjana koji je ogratan sa bori na Braskomen docu,samo ča mi je reka čovik koji ga je donija da ga ne spominjen ko je, jerbo da če trčat za menon po selu. I još ništo,ono ča vidite…

Jema tri miseca da su se uvatili ovo radit i još uvik je sve raskopano tako da doma priko dasak moramo dolazit. Viče jedan sa ponistre kad san jutros u Sučuračkomen Getu slikava ulicu u koju je kako govoridu oni ča tote stojidu zanji radnik povirija par dan prije Uskrsa i odonda nigdi nikoga,a mi iskričemo noge i upadamo u rovove ča su nan ji u dotu ostavili. A je…

Znate onu skulpturu one male ča je bila na vrju od takozvani silosi šta su tamo bili blizu banane na Gojači ča je bila iskrivila bura pa je pukla,a kasnije je maklo i postolja koja su danas opet vračena i stavljena jednu desetak metri istočnije odo tamo di su bili,a još se samo čeka postavljanje skulpture koja je napravljena od malo jačega lima nego šta je bila tako da je…

Sinoč je u Sučuračkomen kinu u organizaciji HDSSD Kaštili održan humanitarni koncert na kojemu je nastupila Udruga Music talents,plesna skupina Dance Box i Solinski Bubamarci. Ulaz je bija slobodan s tin da su posjetioci mogli ostavit dobrovoljni prilog jer je koncerat namijenjen za prikupljanje sredstava za potribe Udruge Tjelesni invalidi iz Kaštili koji su u holu kina prodavali svoje rukotvorine. O samome koncertu prisutni su imali samo riči hvale,jer ka…

Ma ča blato?koje blato? pitan ja ovoga ča me zva jutros okolo desetak ipo uri? a odozgara od pravca štrike pa doli do Gospice teče blatnjavi potok i kako san proša auton cilu san je izasr…,a jučera popodne san je opra jerbo moran na tehnički,pa je sad opet moran prat.Govori meni ovi.I je,nije mi ovi laga. Okolo jedanajst manje kvarat san iša iz doma i stvarno,gori kraj štrike vidi se…